کراچی: بین الاقوامی شہرت یافتہ گلوکار علی ظفر نے سندھی گیت ’الے‘ کو نیا روپ دے دیا جس کی انہوں نے ویڈیو بھی شیئر کی ہے۔
علی ظفر نے معروف سندھی گیت ’الے‘ کی ویڈیو شیئر کی، اس گانے میں علی ظفر، عروج فاطمہ نے اپنی آواز کا جادو جگایا جبکہ عابد بروہی کی رپینگ کا پارٹ بھی شامل کیا گیاہے۔
علی ظفر نے اس گانے کی دھن ’دھادرا‘ سندھی ہی رکھی البتہ اس کو جدید انداز سے پیش کیا گیا ہے۔
ویڈیو میں سندھ دھرتی کے ثقافتی رنگ دکھائے گئے ہیں، جس میں سندھ کا ثقافتی رقص، اجرک، جھیل، اونٹ اور مقامی لوگ بھی نظر آرہے ہیں۔
Here is it! For all my Sindhi brothers & sisters and the artisans of #Ajrak. We all need to work together in preserving & promoting our Sindhi cultural heritage. Make it a trend for Sindh! #Allay #JiyeSindh #SindhiCultureDay2020 https://t.co/xXfddIIZsi
— Ali Zafar (@AliZafarsays) November 26, 2020
گلوکار و اداکار علی ظفر نے سماجی رابطے کی ویب سائٹ ٹویٹر پر ویڈیو شیئر کرتے ہوئے لکھا کہ ’یہ گانا میرے سندھی بھائیوں اور بہنوں کے ساتھ اجرک بنانے والے کاریگروں کے لیے ہے‘۔
انہوں نے لکھا کہ ’ہمیں مل کر سندھ کی ثقافت کو اجاگر کرنا ہوگا‘۔