کراچی: پاکستانی گلوکار علی ظفر کا دعویٰ ہے کہ اُن کے گانے کو چند گھنٹوں میں 10 لاکھ سے زائد لوگوں نے دیکھ لیا۔
اے آر وائی نیوز کے پروگرام ’ہرلمحہ پرجوش‘ میں گلوکار علی ظفر نے دعویٰ کیا ہے کہ ان کا گانا میلہ لوٹ لیا یوٹیوب پر 10 لاکھ ویوز آئے ہیں اور یوٹیوب پر گانے کو دس لاکھ سے زائد لوگوں نے دیکھ لیا ہے۔
علی ظفر کا کہنا ہے کہ ہر لمحہ پرجوش میں گانے کا وعدہ کیا تھا جو مداحوں کے لیے پورا کردیا، مجھے اس گانے میں کسی نے اسپانسر نہیں کیا، میلہ لوٹ لیا صرف مداحوں کے لیے بنایا ہے۔
گلوکار کا کہنا تھا کہ میں جو بھی کام کرتا ہوں صرف مداحوں کے لیے کرتا ہوں، میں نے یہ گانا صرف مداحوں کے لیے ہی بنایا ہے۔
مزید پڑھیں: میلہ لوٹ لیا، علی ظفر نے پی ایس ایل کا نیا ترانا ریلیزکردیا
علی نے اپنی اہلیہ عائشہ کو پروگرام میں سالگرہ کی مبارک باد بھی پیش کی، انہوں نے اہلیہ کو گانا گاکر پروگرام ہر لمحہ پرجوش میں سالگرہ کی مبارک باد دی۔
واضح رہے کہ آج علی ظفر نے اپنے وعدے کے مطابق گانا ریلیز کیا جس کے بول ہیں ’رات بھر ڈانس کیا، میلہ لوٹ لیا۔‘ گانے کو مداحوں کی جانب سے خوب پذیرائی مل رہی ہے۔
خیال رہے کہ علی عظمت کی جانب سے الزامات لگانے کے بعد علی ظفر نے مداحوں کے اصرار پر گانا بنانے کا فیصلہ کیا تھا، علی عظمت نے ہرلمحہ پرجوش میں کہا تھا کہ ’تیار ہیں‘ گانے کو ناکام کرنے کے لیے بلاگرز کو استعمال کیا گیا۔
