پاکستان سمیت پڑوسی ملک بھارت میں بھی مشہور گلوکار علی ظفر نے خود پر تنقید کرنے والے سوشل میڈیا صارف کو کرارا جواب دے دیا۔
علی ظفر نے حال ہی میں فیملی کے ہمراہ امریکی شہر شکاگو میں پکنک منائی اور ایک کنسرٹ میں بھی شرکت کی جہاں ان کے مداحوں کی بڑی تعداد موجود تھی۔
مزید پڑھیں: علی ظفر نے سیاست دانوں کو اہم مشورہ دے دیا
انہوں نے تین روز قبل اپنے آفیشل انسٹا گرام اکاؤنٹ سے دورہ شکاگو کی تصاویر پوسٹ کیں اور کیپشن میں لکھا: ’کبھی کبھی مجھے لگتا ہے کہ میں دو زندگیاں جی رہا ہوں، ایک دن مشرقی ساحل پر مداحوں کے ساتھ اور اگلے ہی دن مغرب میں فیملی کے ہمراہ ساحل سمندر پر‘۔
View this post on Instagram
علی ظفر نے لکھا: ’جمعہ کو کنسرٹ کے لیے شکاگو روانہ ہوں گا جس کا شدت سے انتظار ہے۔ مجھے اپنی زندگی سے پیار ہے‘۔
گلوکار کی تصاویر میں دیکھا جا سکتا ہے کہ ایک فوٹو میں وہ بغیر شرٹ کے ساحل سمندر پر کھڑے ہیں۔
مذکورہ تصویر پر کاشف نامی صارف نے تبصرہ کرتے ہوئے لکھا: ’شرٹ اتار کر کون سا کلچر پروموٹ کر رہے ہیں آپ؟‘
اس پر علی ظفر نے فوری ردعمل دیتے ہوئے لکھا: ’آنکھیں نیچی کرلو، معاشرہ ٹھیک ہو جائے گا‘۔
