The news is by your side.

Advertisement

آزادی مارچ: "کپتان نے جو پیغام دینا تھا، وہ پہنچادیا”

کراچی: پی ٹی آئی رہنما علی زیدی کا کہنا ہے کہ لانگ مارچ ناکام نہیں ہوا، کپتان نے جو پیغام دینا تھا وہ پہنچادیا۔

تفصیلات کے مطابق کراچی میں میڈیا سے گفتگو کے دوران سابق رکن قومی اسمبلی علی زیدی سے سوال کیا گیا کہ کیا پی ٹی آئی کا لانگ مارچ ناکام ہوگیا؟ جس پر انہوں نے کہا کہ کون کہہ رہا ہے ہم ناکام ہوئے، حقیقی آزادی مارچ کے موقع پر ملک بھرمیں ریاستی دہشت گردی ہوئی، جس کے باعث قوم میں بہت غصہ تھا، اگر ہم بیٹھتے تو مزید اشتعال پیدا ہوتا۔

علی زیدی نے واضح کیا کہ خان صاحب کسی سے لڑائی نہیں چاہتے، حقیقی آزادی مارچ کے دوران عمران خان نے جو پیغام دینا تھا وہ پہنچا دیا ہے۔

پی ٹی آئی رہنما نے پی ڈی ایم کو تنقید کا نشانہ بناتے ہوئے کہا کہ پی ڈی ایم نے ساڑے تین سال میں پانچ لانگ مارچ کیے۔

اس سے قبل پاکستان تحریک انصاف کے اراکین صوبائی و قومی اسمبلی گرفتاری کے خطرے کے پیش نظر سندھ ہائیکورٹ پہنچے، رہنماؤں میں علی زیدی ، خرم شیر زمان، جمال صدیقی، فردوس شمیم نقوی، ارسلان تاج شامل تھے۔

یہ بھی پڑھیں: کیا روس سے سستے تیل کے لیے بات ہوئی؟ حماد اظہر نے خط شیئر کر دیا

اس موقع پر صحافی نے اراکین سے سوال کیا کیا آپ سب ضمانت حاصل کرنے کے لیے آئے ہیں؟ جس پر ان کا کہنا تھا کہ ہم سب سندھ ہائی کورٹ چائے پینے کے لیے آئے ہیں۔

Comments

یہ بھی پڑھیں