site
stats
پاکستان

ڈاکٹر عاصم کی رہائی، آصف زرداری، بلاول کی مبارکباد

کراچی : سابق صدر آصف زرداری اور چیئرمین پیپلز پارٹی بلاول بھٹو زرداری نے ڈاکٹرعاصم حسین کو ضمانت پر رہا ہونے پر مبارک باد پیش کی۔

تفصیلات کے مطابق پیپلز پارٹی کراچی کے صدر کو رہائی پر مبارکبادیں دینے کا سلسلہ جاری ہے، پیپلزپارٹی کے شریک چیئرمین آصف زرداری کا کہنا ہے ڈاکٹر عاصم نے ظالمانہ کارروائیوں کا ڈٹ کر مقابلہ کیا، اب وہ جلد صحت یاب ہو کر پارٹی میں فعال کردار ادا کریں گے۔

پیپلزپارٹی کے چیئرمین بلاول بھٹو نے کہا کہ ڈاکٹرعاصم نے انیس ماہ بہادری کے ساتھ ذہنی اور جسمانی صعوبتیں برداشت کیں، جھوٹے اور خود ساختہ مقدمات ڈاکٹر عاصم کو توڑ نہ سکے۔ انتہائی کمزور صحت کے باوجود انتہائی مشکل حالات کو بہادری سے سامنا کیا۔

بلاول بھٹو نے کہا کہ وفاقی حکومت کی انتقامی کارروائیاں ہمیں خوفزدہ نہیں کرسکتیں، پی پی قیادت اورکارکنوں نے ماضی میں خوفناک آمریتوں کا مقابلہ کیا۔ اور قربانیاں دے کر تاریخ میں ہیروز بنے ہیں۔


مزید پڑھیں : ڈاکٹر عاصم حسین کو 19 ماہ بعد رہا کردیا گیا


یاد رہے کہ سابق وزیر پیٹرولیم ڈاکٹر عاصم حسین کو 19 ماہ بعد رہا کردیا گیا ہے، رہائی کے بعد ڈاکٹر عاصم جناح اسپتال سے ضیا الدین اسپتال کلفٹن روانہ ہوگئے، وہ دہشت گردوں کا علاج کرنے اور اربوں روپے کی کرپشن کے الزام میں قید تھے۔

پیپلز پارٹی ڈاکٹر عاصم پر دہشت گردوں کا علاج کرنے اور اربوں روپے کی کرپشن کے الزامات میں جیل میں ہونے کے باوجود انہیں پیپلز پارٹی کراچی کا صدر بھی مقرر کر چکی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top