The news is by your side.

Advertisement

اب تک48ہزار ٹن کچرا نالوں سے نکالا جا چکا ہے، وفاقی وزیرعلی زیدی

کراچی : وفاقی وزیر علی زیدی نے کہا ہے کہ20دن میں شہر کے کافی نالے صاف کیے ہیں، اب تک48ہزار ٹن کچرا نالوں سے نکالا ہے، مراد علی شاہ ! آپ سے ہاتھ جوڑ کر اس شہر کیلئے بھیک مانگتا ہوں۔

ان خیالات کا اظہار انہوں نے کراچی میڈیا سے گفتگو کرتے ہوئے کیا، علی زیدی کا کہنا تھا کہ کراچی صفائی مہم میں ہزاروں ٹن کچرا اٹھا چکے ہیں اور مزید کام جاری ہے،5ہزار800ٹن کچرا اتوار کو اٹھایا گیا۔

اب شہر کے نالوں میں پانی روانی سے چلنا شروع ہوگیا ہے لیکن شہری اب بھی نالوں میں کچرا پھینک رہے ہیں،
جہاں مشینری جانے کی جگہ نہیں، افرادی قوت کے ذریعے کچرا نکال رہے ہیں، صفائی کے دوران محمود آباد کے نالے سے12موٹرسائیکلیں بھی برآمد ہوئیں۔

انہوں نے بتایا کہ صفائی مہم میں ابھی تک ساڑھے8کروڑ روپےجمع ہوچکے ہیں، چار کروڑ80لاکھ روپے خرچ بھی ہوچکے ہیں، ایک کروڑ90لاکھ روپے مزدوری دےچکےہیں۔

وفاقی وزیر نے کہا کہ یہ سیاسی نہیں بلکہ کراچی کے لوگوں کی مہم ہے، شہر میں کوئی جی ٹی ایس نہیں، مین روڈ اور نالے جی ٹی ایس بن جاتے ہیں۔

شہر میں ہر یونین کونسل میں جی ٹی ایس پوانٹس بنائے جائیں، ایف ڈبلیو او بھی صفائی مہم میں ہمارے ساتھ ہے، بیشتر مین روڈوں کو کچرا کنڈی بنادیا گیا ہے۔

ہمارامقصد شہر کو صاف کرنا ہے، لوگ کچرا سڑکوں اور نالوں پر پھینک دیتے ہیں، سالڈ ویسٹ اٹھانا سندھ سالڈ ویسٹ مینجمنٹ کا کام ہے، سالڈ ویسٹ سے سمندر میں آلودگی بڑھنے سے مسائل پیدا ہورہے ہیں، نالوں کی صفائی کرنے والے ورکرز کی ویکسی نیشن ہوگی اور بونس ملے گا۔

علی زیدی کا کہنا تھا کہ یہ صرف میرا نہیں بلکہ سعید غنی کا بھی حلقہ ہے، سعید غنی وزیر بلدیات اور چیئرمین بھی رہ چکےہیں۔

علی زیدی نے وزیر اعلیٰ سندھ کو مخاطب کرتے ہوئے کہا کہ مراد علی شاہ !آپ سے ہاتھ جوڑ کر اس شہر کیلئے بھیک مانگتا ہوں۔

Comments

comments

یہ بھی پڑھیں