ممبئی: عالیہ بھٹ کو بالی وڈ کی صفِ اول کی اداکاراؤں میں شمار کیا جاتا ہے۔ سُپر اسٹار ہونے کے باوجود وہ اپنے مالی معاملات نہیں دیکھ سکتیں۔
میڈیا رپورٹس کے مطابق عالیہ بھٹ نے آج ایک تقریب میں اس متعلق بات کی۔ اداکارہ نے بتایا: ’میرے مالی معاملات والدہ دیکھتی ہیں، بچپن سے ہی پیسوں سے میرا تعلق صرف جیب خرچ تک رہا جو والدہ دیتی تھیں، ان پیسوں کو سنبھال کر رکھتی اور صرف ضرورت کی چیزیں پر خرچ کرتی تھی‘۔
مزید پڑھیں: عالیہ بھٹ لباس پر بچے کی پیدائش سے متعلق جملہ لکھوانے پر تنقید کی زد میں
View this post on Instagram
عالیہ بھٹ نے بتایا کہ مجھے نہیں معلوم کہ میرے بینک اکاؤنٹ میں کتنی رقم موجود ہے، جب اپنی ٹیم کے ساتھ بیٹھی ہوں تو پتا چلتا ہے کہ اتنا بینک بینلس ہے، والدہ میرے مالی معاملات بہت اچھے سے دیکھ رہی ہیں۔
انہوں نے کہا کہ پیسوں کے ساتھ میرا رشتہ صرف کما کر والدہ کو دینے تک محدود ہے۔
View this post on Instagram
واضح رہے کہ عالیہ بھٹ بالی وڈ میں زیادہ معاوضہ لینے والی اداکاراؤں میں شمار کی جاتی ہیں۔ انہوں نے انڈسٹری کو کئی بلاک بسٹر فلمیں دی۔ ان کی حال ہی میں فلم ’براہمسترا‘ ریلیز ہوئی جبکہ اس سے قبل اداکارہ نے ’ڈارلنگز‘ میں اداکاری کے جوہر دکھائے۔
