امریکا پاکستان سے مثبت وتعمیری تعلقات چاہتا ہےٍ‘ ایلس ویلز -
The news is by your side.

Advertisement

امریکا پاکستان سے مثبت وتعمیری تعلقات چاہتا ہےٍ‘ ایلس ویلز

واشنگٹن : امریکی نائب وزیرخارجہ برائے جنوبی ایشیا ایلس ویلز کا کہنا ہے کہ پاکستان خطے کا ایک اہم ملک ہے اور اسے ایک اہم کردار ادا کرنا ہے۔

تفصیلات کے مطابق برطانوی خبررساں ادارے کو انٹرویو میں امریکی نائب وزیرخارجہ ایلس ویلز نے کہا کہ امریکا پاکستان کے ساتھ تعمیری اور مثبت تعلقات چاہتا ہے۔

امریکی نائب وزیرخارجہ نے کہا کہ امریکا پاکستان میں نئی حکومت کے ساتھ مل کرچلنے کا خواہاں ہے۔

ایلس ویلز نے کہا کہ عمران خان کے وزیراعظم بننے کے بعد امریکی وزیرخارجہ مائیک پومیپو نے پاکستان کا دورہ کیا اور حکومت کے ساتھ تعمیری مذاکرات کیے۔

انہوں نے کہا کہ پاکستان اور افغانستان کے درمیان اقتصادی تعلقات کی بحالی اہم ہے جس سے مشرق اور مغرب کی تجارت کوسینٹرل ایشین مارکیٹ تک رسائی ملے۔

امریکی نائب وزیرخارجہ نے کہا کہ پاکستان اور افغانستان کے درمیان بارڈر مینجمنٹ کا ہونا ضروری ہے۔

افغان امن کے لیے وزیراعظم عمران خان کے بیانات حوصلہ افزا ہیں‘ ایلس ویلز

یاد رہے کہ گزشتہ ماہ امریکی نائب وزیرخارجہ برائے جنوبی ایشیا ایلس ویلزکا کہنا تھا کہ افغان امن کے لیے وزیر اعظم عمران خان کے بیانات حوصلہ افزا ہیں، تعلقات میں بہتری آئی ہے۔

ایلس ویلزکا کہنا تھا کہ پاکستان طالبان رہنماؤں کو مذاکرات کی میز پر لانے میں کردار ادا کرے، مذاکرات کے ذریعے حل ممکن ہے، افغانستان میں امن چاہتے ہیں۔

Comments

comments

یہ بھی پڑھیں