site
stats
بزنس

پاک بھارت کشیدگی ، عالیشان پاکستان نمائش منسوخ کردی گئی

کراچی : پاک بھارت کشیدگی کے باعث آئندہ ماہ اکتوبر میں نئی دہلی میں منعقد ہونے والی عالیشان پاکستان نمائش منسوخ کرنی پڑگئی۔

ٹریڈ ڈیولپمنٹ اتھارٹی آف پاکستان کے مطابق عالیشان پاکستان نمائش اکتوبر میں نئی دہلی میں ہوناتھی، نمائش کا وقت ایک مہینہ آگے کیا گیا تھا، بعض نمائش کنندگان کا سامان بھی دہلی پہنچ چکا تھا، لیکن اس بار بھارت کی جانب سے ٹال مٹول ہتھکنڈوں کے باعث عالیشان پاکستان نمائش منسوخ کرنی پڑگئی۔

alishan-1

trade

ٹریڈ ڈیولپمنٹ اتھارٹی آف پاکستان کے ترجمان کا کہنا ہے کہ عالیشان پاکستان نمائش کی منسوخی کا فیصلہ پاک بھارت کشیدگی کے بعد کیا گیا ہے ،پاکستانی مصنوعات کی نمائش عالیشان پاکستان اکتوبر میں نئی دہلی میں ہونا تھی لیکن موجودہ صورتحال کو مدِنظر رکھتے ہوئے اس نمائش کو فوری طور پر روک دیا گیا ہے۔

یاد رہے کہ اس سے پہلے بھارت میں عالیشان پاکستان نمائش دو بار ہوچکی ہے۔

alishan-2

تاجروں و صنعتکاروں نے نئی دہلی میں عالیشان پاکستان نمائش کی منسوخی کے فیصلے کو سراہا اور کہا کہ ایسی صورتحال میں بھارت میں اس قسم کی نمائش ہرگز نہیں کی جاسکتی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top