The news is by your side.

Advertisement

خاتون انڈیانا جونز کچرا جزیرے کے سفر پر

سنہ 80 کی دہائی کا مشہور فلمی کردار انڈیانا جونز جس کی شخصیت اپنے دور کی بہترین اور مقبول ترین افسانوی شخصیت سمجھی جاتی تھی، دور دراز مقامات اور دنیا سے چھپے مقامات کی کھوج لگاتا تھا۔

ایسی ہی ایک اور خاتون ایک ایسا ہی پوشیدہ مقام منظر عام پر لانے کے لیے محو سفر ہیں جنہیں خاتون انڈیانا جونز بھی کہا جارہا ہے۔

ایلیسن ٹیل نامی یہ سیاح وہاں کے سفر پر ہیں جہاں جانے کا کوئی سیاح سوچ بھی نہیں سکتا۔

ایلیسن سیاحت کے لیے بہترین سمجھے جانے والے ملک مالدیپ کے ’کچرا جزیرے‘ کو سامنے لانا چاہتی ہیں۔

یہ علاقہ مالدیپ کا ایک ویران علاقہ ہے جو کچرے کا ڈھیر بن چکا ہے۔ یہاں پر تمام رہائشی علاقوں کا کچرا لا کر پھنکا جاتا ہے اور یہ پورا علاقہ اب کچرے کا علاقہ بن چکا ہے جس کی طرف توجہ کرنا بے حد ضرور ہوگیا ہے۔

ایلیسن دنیا کو یہی جزیرہ دکھانے نکلی ہیں۔

بحرہ ہند کے کنارے واقع اس علاقے میں موجود کچرا سمندر میں بھی جارہا ہے چنانچہ اس مقام پر سمندر گندگی اور کچرے گڑھ بن چکا ہے۔

بڑے بڑے کچرے کے پہاڑ، کچرے سے بھرا پانی اور یہاں موجود آبی حیات کے اندر سے نکلنے والا زہریلا اور گندا کچرا لوگوں کے ہوش اڑا دینے کے لیے کافی ہے۔

ایلیسن کہتی ہیں کہ جزیروں کی سیاحت پر جانے والے سیاح سرفنگ کرنا اور پانی میں مختلف کھیل کھیلنا پسند کرتے ہیں، لیکن اس مقام پر یہ سب ایک بھیانک خواب معلوم ہوتا ہے۔

Comments

comments

یہ بھی پڑھیں