"الخالد”( ٹی 90 ٹینک) اسلامی دنیا کے عظیم سپہ سالار اور جرنیل حضرت خالد بن ولیدؓ سے موسوم ہے جسے پاکستان میں ٹیکسلا کی ہیوی ری بلڈ فیکٹری میں تیار کیا گیا تھا۔
چین کے اشتراک سے تیار کردہ اس ٹینک کو پاکستانی انجینئروں نے ڈیزائن کیا تھا۔ آئیے ہم اس ٹینک کے بارے میں آپ کو چند اہم اور بنیادی باتیں بتاتے ہیں۔
اس ٹینک کی تقریبِ رونمائی ہوئی تو معلوم ہوا کہ الخالد کا وزن 48 ٹن اور اس میں 12 سو ہارس پاور کا انجن لگا ہوا ہے۔
الخالد میں لگی ہوئی توپ دو کلو میٹر کے فاصلے پر حرکت کرتی ہوئی چیزوں کو نشانہ بناسکتی ہے۔
اس ٹینک میں طیارہ شکن توپ بھی نصب ہے۔ الخالد کے 65 فی صد پرزے ملک میں تیار کیے گئے تھے اور ٹینک پر 15 لاکھ ڈالر لاگت آئی تھی۔ ٹینک کی تیاری کے منصوبے کی تکمیل میں تین سال لگے۔
جنگ کے میدان میں جہاں ہمارے شیر دل جوان ہر محاذ پر پیش قدمی کرتے ہیں، وہیں جدید ٹیکنالوجی پر مشتمل مختلف ہتھیار اور مشینیں بھی ان کی مدد گار ہوتی ہیں اور الخالد ٹینک انہی میں سے ایک ہے۔
