The news is by your side.

Advertisement

دبئی میں پاکستانی قونصل خانہ کا ہم وطنوں کیلیے احسن اقدام

دبئی میں قائم پاکستانی قونصل خانہ نے لاک ڈاؤن کی مشکل گھڑی میں ہم وطنوں کے لیے احسن اقدام کرتے ہوئے ضرورت مندوں کو راشن دینے کا اعلان کیا ہے۔

اماراتی میڈیا کے مطابق دبئی میں اگلے دو ہفتوں کے لیے شہریوں کی نقل و حرکت پر پابندی عائد کر دی گئی ہے تاہم پاکستانی قونصل خانہ اپنی ریلیف سرگرمیاں جاری رکھے ہوئے ہے۔

اس حوالے سے آفیشل ٹوئٹر اکاؤنٹ پر قونصل خانہ نے کہا ہے کہ حکومت دبئی کے 24 گھنٹے کی جراثیم کش مہم اور نقل و حرکت پر اگلے دو ہفتے تک پابندی کے باعث،دبئی و شمالی امارات میں مقیم ضرورتمند پاکستانیوں سے گزارش ہے کہ وہ راشن کے لیے آن لائن رجسٹریشن کروائیں۔

اس ضمن میں قونصل خانہ نے رجسٹریشن لنک جاری کرتے ہوئے کہا ہے کہ درخواست کنندہ سے قونصلیٹ کا عملہ رابطہ کرے گا۔

خیال رہے کہ دبئی میں قائم پاکستانی قونصل خانہ ان پاکستانی شہریوں کا ڈیٹا جمع کر رہا ہے جو وطن واپسی کے خواہشمند ہیں اور ان کے لیے خصوصی پروازوں کی تیاری کی جاری ہے۔

اس سلسلے میں قونصل خانہ نے رابطہ نمبر اور کوائف جمع کرانے کے لیے لنک شیئر کرتے ہوئے کہا ہے کہ جو پاکستانی وطن واپسی کا ارادہ رکھتے ہیں وہ پرفارمہ میں اپنے کوائف لکھ کر جمع کروا دیں۔

دبئی میں قونصل جنرل آف پاکستان احمد امجد علی کے مطابق اتوار تک پاکستان جانے کے خواہشمندوں کی تعداد 20 ہزار تک پہنچ چکی ہے، اب تک 20 ہزار لوگ آئن لائن رجسٹریشن کرواچکےہیں۔

fb-share-icon0
Tweet 20

Comments

comments

یہ بھی پڑھیں