The news is by your side.

Advertisement

پی ٹی اے کی جانب سے موبائل فون کی بندش، آل پاکستان موبائل فون ٹریڈرز کی شٹرڈاؤن ہڑتال

کراچی/اسلام آباد: آل پاکستان موبائل فون ٹریڈرز ایسوسی ایشن نے پی تی اے کی جانب سے موبائل فونز کی بندش کے خلاف کراچی سمیت ملک بھر میں شٹرڈاؤن ہڑتال اور احتجاج کیا۔

تفصیلات کے مطابق پی ٹی اے کی جانب سے موبائل فونز کی بندش کے خلاف آل پاکستان موبائل فون ٹریڈرز کی جانب سے کراچی سمیت ملک بھر میں شٹرڈاؤن ہڑتال اور احتجاج کیا، اس موقع پر موبائل ڈیلرز کی جانب سے متعدد شہروں میں دھرنا بھی دیا گیا۔

آل پاکستان موبائل ڈیلرز ایسوسی ایشن کے صدر رضوان احمد کی اپیل بھر گزشتہ روز کراچی سمیت ملک بھرمیں موبائل ڈیلرز نے عدالتی حکم نامے کے باوجود پی ٹی اے کی جانب سےموبائل سیٹس کی بندش کے خلاف بھرپور احتجاج کیا گیا۔

کراچی میں صدر میں واقع شہر کی سب سے بڑی موبائل مارکیٹس سمیت دیگر چھوٹی بڑی موبائل مارکیٹس بھی مکمل طور پر بند رہیں، صدر میں موبائل ڈیلرز کی جانب سے عبداللہ ہارون روڈ پر احتجاجی دھرنا بھی دیا گیا۔

رضوان احمد کا کہنا تھا کہ آج کی ہڑتال ٹوکن کے طور پر تھی اور اگر ہمارے مطالبات منظور نہ کیے گئے تو مستقبل میں ہڑتال کا دورانیہ بڑھانے پر بھی غور سکتے ہیں۔

ان کا کہنا تھا کہ ڈیلرز کا معاشی قتل عام کسی صورت قابل قبول نہیں ہے، بڑی کمپنیوں کے مفادات کی خاطر عام ڈیلرز کو بیروزگار کرنے کی اجازت ہر گز نہیں دیں گے۔

آل پاکستان موبائل ڈیلرز ایسوسی ایشن کے صدر کا کہنا تھا کہ پی ٹی اے کی جانب سے عدالت عالیہ کے حکم نامے کی نافرمانی کرنے اور اچانک شہریوں اور تاجروں کے موبائل فون بند کیے جانے کے غیرقانونی عمل سے کسٹمرز اور تاجروں میں تصادم کی کیفیت پیدا ہوئی۔

ان کا کہنا تھا کہ اگر حکومت نے پی ٹی اے کی غلط روش کا بروقت نوٹس نہ لیا تو نتائج کی ذمہ دار وہ خود ہوگی۔

Comments

comments

یہ بھی پڑھیں