اے پی سی کے بعد زرداری ہاؤس میں پی پی قیادت کی مشاورت: PPP: APC
The news is by your side.

Advertisement

اے پی سی کے بعد زرداری ہاؤس میں پی پی قیادت کی مشاورت

اسلام آباد: آل پارٹیز کانفرنس (اے پی سی) کے بعد پاکستان پیپلز پارٹی کی قیادت نے زرداری ہاؤس میں مشاورت کی جس میں اہم موضوع زیر غور آئے۔

تفصیلات کے مطابق زرداری ہاؤس میں پی پی قیادت کی مشاورت میں اسپیکر قومی اسمبلی کے لیے خورشید شاہ اور نوید قمر کے ناموں پر غور کیا گیا۔

ذرائع کے مطابق بلاول بھٹو زرداری کو کمیٹی ارکان نے اتحادی جماعتوں کے اجلاس کی مختصر بریفنگ دی، جبکہ ارکان کل انہیں اجلاس کی تفصیلی بریفنگ دیں گے۔

ذرائع کا یہ بھی کہنا تھا کہ پیپلزپارٹی قیادت کل زرداری ہاؤس اسلام آباد میں پھر بیٹھے گی، پی پی قیادت اسپیکر کے لیے پارٹی کے امیدوار کے لیے تفصیلی مشاورت کرے گی۔


اے پی سی: ایوان کے اندر اور باہر احتجاج، وزارتِ عظمیٰ کے لیے مشترکہ امیدوار لانے کا فیصلہ


قبل ازیں اپوزیشن جماعتوں کے آج ہونے والے تیسرے بڑے اجلاس میں فیصلہ ہوا ہے کہ ایوان کے اندر اور باہر رہتے ہوئے بھرپور احتجاج اور وزارتِ عظمیٰ کے لیے مشترکہ امیدوار لایا جائے گا۔

واضح رہے کہ سابق اسپیکر ایاز صادق کی سرکاری رہائش گاہ پر منعقد ہونے والی اے پی سی میں عمران خان کو ٹف ٹائم دینے کے لیے لائحہ عمل طے کرنے کی غرض سے 10 رکنی ایکشن کمیٹی بھی قائم کر لی گئی۔

یاد رہے کہ الیکشن 2018 سے متعلق آل پارٹیز کانفرنس میں شہباز شریف، مولانا فضل الرحمان، لیاقت بلوچ، شیری رحمان، خورشید شاہ، قمرزمان کائرہ، راجہ پرویز اشرف، یوسف رضا گیلانی، فرحت اللہ بابر، میرحاصل بزنجو، آفتاب شیر پاؤ، محمود خان اچکزئی، راجہ ظفرالحق، مشاہد حسین سید اور احسن اقبال شریک ہوئے تھے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں