The news is by your side.

Advertisement

مشترکہ حکمت عملی، آل پارٹیز وڈیو لنک کانفرنس آج ہوگی

اسپیکر پنجاب اسمبلی پرویز الہیٰ نے اے پی سی میں شرکت کی دعوت قبول کی: حسن مرتضیٰ

لاہور: آج لاہور میں کرونا وائرس کی وبا سے نمٹنے کے لیے مشترکہ حکمت عملی کے سلسلے میں پیپلز پارٹی پنجاب کے زیر اہتمام اے پی سی منعقد ہو گی۔

اے آر وائی نیوز کے مطابق پیپلز پارٹی پنجاب کی آل پارٹیز وڈیو لنک کانفرنس آج دوپہر 2 بجے قمر زمان کائرہ کی زیر صدارت ہوگی، اے پی سی میں حکومتی اقدامات کا جائزہ لیا جائے گا اور مشترکہ لائحہ عمل تشکیل دیا جائے گا۔

کرونا سے نمٹنے اور بے روزگار محنت کشوں کا مسئلہ کانفرنس کے ایجنڈے میں شامل ہے، پنجاب میں کرونا لاک ڈاؤن کی کامیابی کے لیے تجاویز بھی مرتب کی جائیں گی، آٹے اور دیگر اشیا کی قلت اور مہنگائی بھی کانفرنس میں زیر بحث آئیں گے۔

کرونا وائرس: سندھ میں کیسز کی تعداد 627، پنجاب میں 658 ہو گئی

قمر زمان کائرہ نے میڈیا سے گفتگو کرتے ہوئے کہا کہ کرونا سے جنگ صرف باہمی اشتراک اور اتفاق رائے سے ممکن ہے، پنجاب کی سطح پر مشترکہ لائحہ عمل اپنانے کی کوشش کی جائے گی، قوم کو تقسیم کرنے کی بجائے باہمی اتحاد اور اتفاق کی ضرورت ہے، حکومت کو ریلیف کے لیے تجاویز دی جائیں گی اور کرونا سے لڑنے کی مہم میں حکومتی غلطیوں کی نشان دہی کی جائے گی، اے پی سی میں پنجاب کی تمام سیاسی جماعتیں شریک ہوں گی۔

یاد رہے کہ گزشتہ روز پیپلز پارٹی پنجاب کے رہنما حسن مرتضیٰ نے اس سلسلے میں اسپیکر پنجاب اسمبلی پرویز الہیٰ کو فون کرتے ہوئے اے پی سی میں شرکت کی دعوت دی تھی جسے انھوں نے قبول کر لیا تھا، حسن مرتضیٰ کا کہنا تھا کہ پرویز الہیٰ نے مشاورت سے مشترکہ حکمت عملی بنائے جانے پر اتفاق کیا۔ انھوں نے بتایا کہ جماعت اسلامی اور ن لیگ بھی دعوت قبول کر چکے ہیں، حکمران جماعت تحریک انصاف کو بھی اے پی سی کے لیے مدعو کیا گیا ہے۔

ادھر آج اپوزیشن رہنما شہباز شریف نے قومی سلامتی کمیٹی کا اجلاس بلانے کا مطالبہ کر دیا ہے، انھوں نے مطالبہ کیا کہ سلامتی کمیٹی اجلاس بلا کر واضح کیا جائے کہ لاک ڈاؤن ہوگا یا نہیں؟

fb-share-icon0
Tweet 20

Comments

comments

یہ بھی پڑھیں