The news is by your side.

Advertisement

لاہور: علامہ اقبال ایئر پورٹ سے گولیوں سے بھرا بیگ برآمد، مسافر فرار

لاہور : علامہ اقبال ایئر پورٹ پر دبئی سے آنے والا مسافر گولیوں سے بھرا بیگ چھوڑ کر فرار ہوگیا، اے ایس ایف نے ملزم کی گرفتاری کیلئے چھاپہ مار ٹیمیں تشکیل دے دیں۔

تفصیلات کے مطابق علاقہ اقبال انٹر نیشنل ایئرپورٹ پر ملنے والے گولیوں سے بھرے بیگ کا معاملہ سنگین صورت اختیار کرگیا، غیر ملکی ایئرلائن کی پرواز سے دبئی سے لاہور پہنچنے والا مذکورہ بیگ کا مالک مسافر پرسرار طور پر ایئرپورٹ سے غائب ہے۔

گولیوں سے بھرے بیگ کسٹم کی اسکیننگ مشین سے گزارا گیا تو تین بیگ میں سے 4600مکمل گولیوں اور800خول موجود تھے، کسٹم کے عملے نے بیگ کو ضبط کرکے مسافر کی تلاش شروع کردی، جس کے بعد علامہ اقبال انٹر نیشنل ایئرپورٹ پر مسافر کی تلاش کیلئے دوڑیں لگ گئیں۔

اے ایس ایف اہلکار سی سی ٹی وی کی مدد سے دبئی سے آنے والے مسافر کا سراغ لگانے کی کوشش کررہے ہیں، ابتدائی معلومات کے مطابق غیر ملکی ائیرلائن کی پرواز622سے دبئی سے آنے والے مسافر نے لاہور ایئر پورٹ پر غیرملکی گولیوں کے بیگ چھوڑے۔

تینوں ہینڈ کیری میں شکار میں استعمال ہونے والی گولیوں کے خول لانگ رینج اور شاٹ رینج شامل ہیں۔ دبئی سے کس طرح جہاز میں اسکینگ مشین کی موجودگی میں گولیوں سے بھرے بیگ پاکستان پہنچ گئے، اس حوالے سے کسٹم کے افسران سمیت سیکورٹی ایجنسی نے غیر ملکی ائیرلائن کے عملے سمیت افسران کو شامل تفتیش کرلیا ہے۔

دوسری جانب حکام نے تفتیش کا رخ تبدیل کردیا، ائر لائن کا پورا ریکاڈ ضبط کر لیا گیا، ملزم کے خلاف ایف آئی آر درج کرنے کے احکامات جاری کردیئے گئے، ایف آئی ار میں دہشت گردی کی دفعات سمیت دیگر دفعات بھی شامل کی جائیں گی۔

کسٹم کے عملے نے مسافر کی تلاش میں چھاپہ مار ٹیمیں بنا دیں۔ اے ایس ایف سمیت کسٹم دیگر سیکیورٹی ایجنسیز بھی جوائنٹ انوسٹی گیشن کریں گی، ائر لائن کے عملے نے بھی کسٹم حکام کو مذکورہ مسافر کے کوائف فراہم کر دئیے ہیں۔

Comments

comments

یہ بھی پڑھیں