علامہ طاہر اشرفی نے کہا ہے کہ ووٹ بیچنا شرعاً حرام ہے جہاں خطرہ ہو وہاں مداخلت ہونی چاہیے۔
اسلام آباد میں تقریب سے خطاب کرتے ہوئے علامہ طاہر اشرفی نے کہا کہ حفیظ شیخ بڑی اکثر یت سے سینیٹ کا انتخاب جیتیں گے یوسف رضا گیلانی کو قربانی کا بکرا بنا دیا گیا ہے۔
مولاناطاہراشرفی نے کہا کہ یہ چاہتےہیں اداروں میں مداخلت کےدروازےکھلےرہیں، پی ڈی ایم فیصلہ کرلےلانگ مارچ ہےیادھرنا، پھر بات کرنی ہے احتجاج ہرسیاسی جماعت کا حق ہےپرپی ڈی ایم کوانتشارنہیں پھیلانے دیں گے۔
ان کا کہنا تھا کہ پاکستان علما کونسل نے فرقہ وارنہ ہتھکنڈوں کے خلا ف جنگ لڑی، ہم نے مل کرمحرم الحرام سےپہلے اوربعدمیں ان سازشوں کورونددیا مانتےہیں مدینہ کی ریاست نہیں بن پائی لیکن کیامحنت کرناجرم ہے۔
انہوں نے مزید کہا کہ مولانا روز مدینہ کی ریاست بنانے کا مذاق اڑاتے ہیں، آئیں10نکات لےآئیں حزب اختلاف کےعلماملک کومدینہ کی ریاست بنانےکیلئےایجنڈالائیں مدارس اور مساجد کسی بھی فساد کا نہ حصے تھے نہ رہیں گے۔
علامہ طاہر اشرفی نے دو ٹوک کہا کہ کشمیر اور فلسطین ہمارے روح کا حصہ ہے نہ ہم کشمیر کو چھوڑ سکتے ہیں نہ فلسطین کو ۔
