پاکستان سے 12ہزار 96 مبینہ جعلی پاسپورٹس کے اجرا کا معاملے پر سعودی حکومت کی شکایت پر وزارت داخلہ کی قائم انکوائری کمیٹی نے تحقیقات کا آغاز کر دیا۔
جعلی پاسپورٹ پر سفر کرنے والوں کی فہرستیں تحقیقات کمیٹی کو موصول ہو گئی ہیں۔ تحقیقاتی کمیٹی نادرا سے بھی افغان مہاجرین کا ڈیٹا حاصل کر کے اسکروٹنی کرے گی۔
افغان شہریوں کو کمپیوٹرائزڈ قومی شناختی کارڈ پر پاسپورٹ کا اجرا ہوا جس پر افغانیوں نے پاکستانی پاسپورٹ حاصل کرکے سعودی عرب کا سفر کیا۔
افغان شہریوں نے 12,096 پاکستانی پاسپورٹ سعودی عرب میں پاکستانی سفارت خانے ریاض کو دے دئیے۔
پاسپورٹ اجرا اور تصدیق کیلئے اعلیٰ سطحی کمیٹی نے پاکستانی پاسپورٹ پر سفر کرنے والے افغان شہریوں کو پاسپورٹ جاری کرنے کی تفصیلی تحقیقات شروع کر دی ہے۔
پاسپورٹ اینڈ امیگریشن حکام کا کہنا ہے کہ کمیٹی پاسپورٹ کے اجراء میں کوتاہیوں کا پتہ لگائے گی کمیٹی ان پاسپورٹ پر روانگی کی سہولت کے لیے مختلف اداروں کی ملی بھگت کا تعین بھی کرے گی
پاکستان سے سعودیہ تک نادرا، پاسپورٹ اور ایف آئی اے کے مختلف افسران کی ذمہ داری کا تعین بھی کیا جائے گا۔
