کراچی: شہر قائد کے علاقے کلفٹن میں 22 سالہ لڑکی کو اغوا کے بعد مبینہ زیادتی کا نشانہ بنادیا گیا۔
اے آر وائی نیوز کی رپورٹ کے مطابق کراچی کے علاقے کلفٹن میں 22 سال کی لڑکی کو اغوا کے بعد مبینہ زیادتی کا نشانہ بنادیا گیا، پولیس حکام کے مطابق گزشتہ رات ملزمان نے شاپنگ مال کے سامنے سے لڑکی کو اغوا کیا۔
پولیس کے مطابق لڑکی کو فلیٹ پر لے جاکر زیادتی کی گئی، ملزمان صبح لڑکی کو گاڑی میں ڈال کر شاپنگ مال کے سامنے چھوڑ گئے۔
پولیس کا کہنا ہے کہ لڑکی نے 15 پر کال کی اور بتایا کہ اس کے ساتھ زیادتی کی گئی ہے، لڑکی نے بتایا کہ لڑکے چھوڑنے کے بعد اپنا نمبر بھی دے گئے۔
کلفٹن پولیس حکام کا کہنا ہے کہ لڑکی کو میڈیکل کے لیے بھیجا گیا ہے جبکہ واقعے کا مقدمہ درج کرلیا گیا ہے۔
مزید پڑھیں: کراچی؛نوکری کا جھانسہ دے کر زیادتی کرنے والے 4 ملزمان گرفتار
واضح رہے کہ اس سے قبل ایف آئی اے سائبر کرائم ونگ نے کراچی میں کارروائی کرتے ہوئے سوشل میڈیا پر نوکری کا جھانسہ دے کر زیادتی کرنے والے 4 ملزمان کو گرفتار کیا تھا۔
ایف آئی اے سائبر کرائم ونگ نے 2گرفتار ملزمان کی نشاندھی پرمزید 2 افراد کو گرفتار کیا۔ایف آئی اے حکام کا کہنا تھا کہ ملزم کے موبائل فون سے بلیک میلنگ کے مزید ریکارڈ سامنے آگئے۔
ایف آئی اے کے مطابق ملزمان نے نہ صرف نوجوانوں بلکہ بچوں کوزیادتی کانشانہ بنایا، کارندوں کےملکی سطح پر بھی سرگرم ہونے کا انکشاف بھی ہوا ہے جس میں 40 افراد شامل ہیں۔
