The news is by your side.

Advertisement

چونیاں: بااثر نوجوانوں کی جواں سالہ لڑکی سے مبینہ زیادتی

چونیاں: صوبہ پنجاب میں حوا کی ایک اور بیٹی جنسی درندگی کا شکار ہوگئی ہے، متاثرہ لڑکی نے وزیراعظم اور وزیراعلیٰ پنجاب سے انصاف کی اپیل کردی ہے۔

پولیس ذرائع کے مطابق چونیاں کے علاقے قصبہ کوڑے سیال میں چودہ سالہ لڑکی سے دن دہاڑے بااثر دو نوجوانوں نے لڑکی کے گھر میں گھس کر گن پوائنٹ پر زیادتی کی۔

پولیس کے مطابق میڈیکل رپورٹ میں زیادتی کی تصدیق ہوگئی ہے، جس پر ملزم جاوید اور اس کے نامعلوم ساتھی کے خلاف مقدمہ درج کرلیا گیا ہے، افسوسناک واقعے کے بعد ملزمان کی گرفتاری کے لئے ٹیمیں تشکیل دے دی گئیں۔

بااثر نوجوانوں کی جنسی ہوس کا شکار ہونے والی متاثرہ لڑکی کی والدہ نے وزیر اعظم اور وزیر اعلیٰ سے انصاف کی اپیل کی ہے۔

اسی طرح کا ایک اور افسوسناک واقعہ گذشتہ روز جھنگ میں پیش آیا تھا، جہاں مہاراجہ میں بائیس سالہ لڑکی کو مبینہ طور زیادتی کا نشانہ بنانے کے بعد قتل کردیا گیا تھا۔

پولیس کے مطابق مقتولہ کو اس کی سہیلی نے کھانے پر گھر بلایا تھا، سہیلی کے شوہر نے لڑکی سے زیادتی کی اور تشدد کا نشانہ بنانے کے بعد قتل کردیا۔

یہ بھی پڑھیں: کراچی: عیسیٰ نگری میں بچی سے مبینہ زیادتی کا ملزم گرفتار

رواں ماہ کی پانچ تاریخ کو دارالامان سکھر میں خاتون کے ساتھ مبینہ زیادتی کا انکشاف ہوا تھا، تھانہ سی سیکشن میں خاتون سے مبینہ زیادتی کا مقدمہ درج کرکے ملزم شریف مغل کو گرفتار کرلیا گیا تھا۔

چار مئی کو کراچی کے علاقے عیسیٰ نگری میں 10 سالہ بچی کو مبینہ طور پر زیادتی کا نشانہ بنایا گیا تھا، بعدازاں ضلع ایسٹ پولیس نے کارروائی کرتے ہوئے بچی سے مبینہ زیادتی کے ملزم محمد عامر کو گرفتار کرلیا تھا۔

Comments

یہ بھی پڑھیں