مگر مچھ کی ہتھکڑیوں میں جکڑ کر گرفتاری -
The news is by your side.

Advertisement

مگر مچھ کی ہتھکڑیوں میں جکڑ کر گرفتاری

واشنگٹن: امریکی ریاست لوزیانا میں مگر مچھ سے بری طرح خوفزدہ وائلڈ لائف اہلکاروں نے ہتھکڑیوں میں جکڑ کر مگر مچھ کو قابو کیا اور ’گرفتار‘ کر کے اپنے ساتھ لے گئے۔

لوزیانا میں اس وقت ایک گھر کے مکین نہایت خوفزدہ ہوگئے جب انہوں نے اپنے گھر کے لان میں ایک قوی الجثہ مگر مچھ کو گھومتا ہوا پایا۔ انہوں نے محکمہ جنگلی حیات کو فون کیا کہ وہ آکر اس مگر مچھ کو لے جائیں۔

جب وائلڈ لائف اہلکار موقع پر پہنچے تو ان کے لیے اس مگر مچھ کو پکڑنا سخت مشکل مرحلہ تھا۔ بالآخر کسی طرح مگر مچھ کو جھانسا دے کر انہوں نے اس کے منہ کو ٹیپ سے بند کردیا تاکہ وہ انہیں کھا نہ جائے۔

مزید پڑھیں: امریکا میں ٹرمپ مگر مچھ

اس دوران مگر مچھ مسلسل اپنے آپ کو چھڑانے کی کوشش کرتا رہا مگر بہادر افسران مضبوطی سے اسے پکڑے رہے۔

منہ بند کرنے کے بعد اہلکاروں نے مگر مچھ کے پاؤں میں بھی ہتھکڑیاں ڈال دیں تاکہ وہ فرار ہونے کی کوشش نہ کرے۔

اس طرح سے ’گرفتار‘ کرنے کے بعد وائلڈ لائف اہلکار اسے گاڑی میں ڈال کر لے گئے اور (مگر مچھوں کے لیے) محفوظ مقام پر چھوڑ دیا۔

اس تمام منظر کی ویڈیو محکمہ وائلڈ لائف نے سوشل میڈیا پر پوسٹ کی تو لوگ اسے دیکھ کر حیران رہ گئے۔

کچھ لوگوں اسے دیکھ کر لطف اندوز ہوئے اور کچھ نے ان اہلکاروں کی تعریف بھی کی کہ کس طرح یہ اہلکار اپنی جانوں پر کھیل کر لوگوں کی زندگیاں محفوظ بناتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں