اگر آپ ہالی ووڈ فلمیں دیکھنے کے شوقین ہیں تو یقیناً آرنلڈ شوازینگر آپ کے پسندیدہ اداکاروں میں شامل ہوں گے جو باڈی بلڈر، امریکی ریاست کیلیفورنیا کے گورنر اور کامیاب اداکار ہیں۔
امریکی شہر نیویارک میں ایک گھر میں 4 فٹ لمبا مگر مچھ برآمد ہوا تاہم اس کی بھاری بھرکم جسامت دیکھ کر گھر والوں نے اس کا نام آرنلڈ شوازینگر رکھ دیا۔
جس گھر میں یہ مگر مچھ برآمد ہوا اس کے اہل خانہ مہم جوئی کے کچھ زیادہ ہی شوقین تھے چنانچہ انہوں نے متعلقہ محکمہ کو اطلاع کرنے کے بجائے اسے حفاظت سے گھر میں ہی رکھ لیا۔
تاہم ایک پڑوسی کو جب اس مگر مچھ کی موجودگی کا علم ہوا تو اس نے پولیس کو طلب کرلیا جس کے بعد ’آرنلڈ‘ کو پکڑ کر محکمہ تحفظ جنگلی حیات کے حوالے کردیا گیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
