جنوبی بھارت کی تیلگو فلموں کے معروف اداکار الو ارجن نے ’پشپا 2’ کے پریمیئر میں ہلاک ہونے والی خاتون کو 25 لاکھ روپے دینے کا اعلان کیا ہے۔
بھارتی میڈیا رپورٹ کے مطابق اداکار الو ارجن نے بدھ کو ’پشپا 2 دی رول‘ کے پریمیئر کے دوران حیدرآباد کے تھیٹر میں ہونے والی بھگدڑ میں کچل کر ہلاک ہونے والی خاتون کی موت پر تعزیت کا اظہار کیا۔
گزشتہ ہفتے کافی انتظار کے بعد پشپا ٹو ریلیز ہوئی تو الو ارجن خود بھی حیدر آباد کے سندھیا تھیٹر پر پریمیئر کے دوران پہنچے، جہاں بھگدڑ مچنے سے ایک خاتون دم گھٹ کر ہلاک ہوگئی۔
الو ارجن کیخلاف خاتون کی ہلاکت کا مقدمہ درج
اس واقعہ پر الو ارجن نے ایک اسپشل ویڈیو سوشل میڈیا پر شیئر کیا ہے، جس میں انہوں نے کہا کہ غیر متوقع طور پر لوگوں کی بڑی تعداد تھیٹر پہنچ گئی جس کی وجہ سے یہ واقعہ پیش آیا، مجھے خاتون کی موت کا اگلے دن پتہ چلا۔
الو ارجن نے غمزدہ خاندان سے یکجہتی کے اظہار کے لیے انھیں 25 لاکھ روپے کی امداد دینے کا اعلان کیا اور کہا کہ میں یقین دلاتا ہوں آپ اکیلے نہیں ہیں آپ کے اس غم میں ہم شریک ہیں۔
اس ویڈیو کے بعد انٹرنیٹ میں صارفین تقسیم ہوگئے، انکے بہت سارے پرستار تو اس پر ان خوش ہیں، تاہم دیگر نے اس پر مایوسی کا اظہار کیا ہے۔
