گوجرانوالہ:ضابطہ فوجداری کی دفعہ 87 کے تحت الطاف حسین کا اشتہار جاری کرنے کا حکم -
The news is by your side.

Advertisement

گوجرانوالہ:ضابطہ فوجداری کی دفعہ 87 کے تحت الطاف حسین کا اشتہار جاری کرنے کا حکم

گوجرانوالہ : انسداد دہشت گردی کی خصوصی عدالت نے ایم کیو ایم کے قائد الطاف حسین کو اشتہاری قرار دینے کی کارروائی شروع کردی ہے اور ضابطہ فوجداری کی دفعہ 87 کے تحت ملزم الطاف حسین کا اشتہار جاری کرنے کا حکم دے دیا۔

ایم کیو ایم کے قائد الطاف حسین کے خلاف منڈی بہاؤالدین کے 2 تھانوں، تھانہ سول لائن اور تھانہ سٹی میں پاک فوج کے خلاف اور ملکی مفادات کے منافی تقریریں کرنے مقدمات درج ہیں، ان مقدمات کی سماعت انسداد دہشت گردی کی خصوصی عدالت گوجرانوالہ کے جج چوھری امتیاز احمد کے روبرو ہورہی ہے۔

آج پولیس کی طرف سے مقدمے کا ریکارڈ پیش کیا گیا جس پر عدالت نے ایم کیو ایم کے قائد الطاف حسین کو اشتہاری قرار دینے کی کارروائی شروع کردی اور ضابطہ فوجداری کی دفعہ 87 کے تحت ملزم الطاف حسین کا اشتہار جاری کرنے کا حکم دے دیا۔

عدالت نے حکم دیا کہ ملزم کو 11 ستمبر کو پیش کیا جائے۔ دونوں مقدمات میں یہ کہا گیا ہے کہ الطاف حسین نے 15 جولائی 2015 کو پاک فوج کے خلاف اور ملکی مفادات کے منافی تقریر کی تھی۔

Comments

comments

یہ بھی پڑھیں