The news is by your side.

Advertisement

اقوام متحدہ بھارتی فوج کی جارحیت کا نوٹس لے، الطاف حسین

لندن / کراچی : متحدہ قومی موومنٹ کے قائد الطاف حسین نے سیالکوٹ کے سرحدی علاقوں میں بھارتی فوج کی فائرنگ کی شدیدمذمت کی ہے اوربھارتی فوج کی فائرنگ کے نتیجے میں کئی بے گناہ پاکستانی شہریوں کے شہیداورزخمی ہونے پر دلی افسوس کااظہارکیاہے۔

وہ نائن زیروپر رابطہ کمیٹی اورتنظیمی شعبہ جات کے ارکان سے خطاب کررہے تھے۔ الطاف حسین نے کہاہے کہ آج پی پی پی کے رہنماؤں کو رینجرز کے اقدامات سندھ پر حملہ نظر آرہے ہیں۔

انہوں نے کہا کہ کل یہی پیپلزپارٹی تھی جس نے جولائی میں رینجرز کے سندھ میں قیام میں توسیع کی تھی اور اسے پولیس کے اختیارات دینے کے فیصلہ میں توسیع کی تھی ۔میں نے اپنی کسی تقریر میں نہیں کہا کہ فوج سے جنگ ہوگی ۔

یہ ہماری اپنی فوج ہے ، ہم اس کیلئے جان دینے کاجذبہ رکھتے ہیں، جان لینے کا نہیں، الطاف حسین نے کہاکہ میں نہتے پاکستانی شہریوں پر بھارتی فوج کے حملے کی کھلے الفاظ میں مذمت کرتاہوں۔

ان کا کہنا تھا کہ اقوام متحدہ سے اپیل کرتاہوں کہ پاکستان کے سرحدی علاقوں میں بھارتی فوج کی جانب سے کی جانیوالی مسلسل خلاف ورذیوں اورفائرنگ کے واقعات کا سختی سے نوٹس لیاجائے۔

انہوں نے پاک فوج کی قیادت اورتمام کورکمانڈروں سے کہاکہ بھارت کے حملوں کامنہ توڑجواب دیاجائے ۔

Comments

comments

یہ بھی پڑھیں