site
stats
پاکستان

آصف زرداری کی کراچی آمد پر متبادل ٹریفک پلان

کراچی: سابق صدر آصف علی زرداری کراچی پہنچ رہے ہیں اور ریلی کی صورت میں بلاول ہاوس جائیں گے،عوام کی تکلیف کے پیش نظر ٹریفک پولیس نے متبادل ٹریفک پلان ترتیب دے دیا۔

تفصیلات کے مطابق پاکستان پیپلزپارٹی پارلیمینٹیرینز کے صدر آصف علی زرداری دبئی سے کراچی پہنچ رہے ہیں ، وہ ٹرمینل 1 پر جلسہ عام سے خطاب کرنے کے بعد ریلی کی صورت میں بلاول ہاوس جائیں گے، ان کے استقبال کے لیے سندھ بھر سے قافلے کراچی پہنچیں گے۔

traffic-plan

کراچی ٹریفک پولیس نے شہریوں کی سہولت ، ٹریفک جام کی زحمت سے بچانے اور ٹریفک کو رواں دواں رکھنے کے لیے متبادل ٹریفک پلان مرتب کرلیا ہے جس کے تحت کلفٹن ڈیفنس کے رہائشیوں کو ائیرپورٹ جانے کے لیے ہینو چورنگی اور کورنگی انڈسٹریل روڈ کو استعمال کرتے ہوئے ملیر ہالٹ سے ایئرپورٹ پہنچنے کی ہدایت کی گئی ہے۔

جب کہ گلشن اقبال اور لیاقت آباد کے رہائشی سے ایئرپورٹ جانے کے لیے یونیورسٹی روڈ، صفورہ، ملیر کینٹ اور ماڈل کالونی کا روٹ استعمال کرنے کی اپیل کی گئی ہے۔ ٹریفک پولیس کے اعلیٰ حکام نےعوام سے اپیل کی ہے کسی بھی قسم کی پریشانی سے بچنے کے لیے ٹریفک پلان کی پابندی کریں اور متبادل روٹ پر سفر کرکے تکلیف سے بچیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top