تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

’اداکار فالوورز خریدتے ہیں‘ ریٹ کتنا ہے؟ امر خان نے بتادیا

کراچی: اداکارہ امر خان کا کہنا ہے کہ کچھ اداکار فالوورز خریدتے ہیں جس کا ریٹ ایک سے دو روپے کے درمیان ہوتا ہے۔

اے آر وائی ڈیجیٹل کے ڈرامے ’بددعا‘ میں ابیر کا مرکزی کردار ادا کرنے والی امر خان نے پروگرام ’ہر لمحہ پرجوش‘ میں شرکت کی اور میزبان وسیم بادامی کے معصومانہ سوالات کے جوابات دیے۔

فلم میکنگ میں گریجویٹ کرنے والی ’بددعا‘ کی اداکارہ امر خان نے بتایا کہ میں نے کبھی کسی کو بددعا نہیں دی لیکن سلیبرٹی ہونے کی وجہ سے ہمیں عوام کی جانب سے اکثر بددعائیں دی جاتی ہیں۔

امر خان نے کہا کہ لوگوں کو دوسرا کا مذاق اڑانے میں مزہ آتا ہے، کبھی تنقید کرنے والے کو بھی بددعا نہیں دی، کوئی غلط کمنٹ بھی کرے تو اسے بھی لائیک کردیتی ہوں کہ جس نے ایسا کیا ہے کہ شاید اس کو شرم آجائے اور ایسا ہوا بھی ہے۔

اداکارہ نے کہا کہ ایک سوشل میڈیا صارف نے لکھا کہ ہم جان بوجھ کر غلط بات کرتے ہیں تاکہ آپ کی توجہ حاصل کرسکیں۔

’والدہ کے ساتھ کبھی کام نہیں کروں گی‘

ایک سوال کے جواب میں امر خان نے کہا کہ میں اپنی والدہ کے ساتھ کبھی کام نہیں کروں گی کیونکہ مجھے ایسا نہیں لگتا کہ  میں انہیں فیس کرسکتی ہوں۔‘

’پاکستان میں بھارتی فلمیں دکھانی چاہئیں‘

اداکارہ نے کہا کہ پاکستان میں بھارتی فلمیں دکھانی چاہئیں کیونکہ جب ہم کہتے ہیں فن کی کوئی سرحد نہیں ہوتی تو پھر ہمیں تنقید کا نشانہ بنایا جاتا ہے، جب ہم ان کے رئیلٹی شوز دیکھتے ہیں اور نصرت فتح علی خان کا گانا بھارتی گلوکار گاتے ہیں اور ہمارے فن کو سراہتے ہیں تو ہمیں بھی ان کی فلمیں دکھانے میں کوئی اعتراض نہیں ہونا چاہیے۔

وسیم بادامی نے سوال کیا کہ اگر ان حالات میں آپ سے کہا جائے کہ آپ بھارت آئیں اور فلم میں کام کریں؟ اس کے جواب میں امر خان نے کہا کہ بالکل نہیں جاؤں گی، بھارتی فلموں کو پسند کرتی ہوں، فلم میکنگ پڑھی ہے جب ملک میں رہ کر فلم میکنگ پڑھی ہے تو کام بھی اپنے ہی ملک میں کرنا پسند کروں گی۔

اداکارہ نے بتایا کہ انسٹاگرام پر ساتھی اداکاروں نے فیک فالوورز خریدتے ہیں، اداکارہ  نے ان فنکاروں کا نام تو نہیں لیا لیکن یہ ضرور بتادیا کہ فالوورز خریدنے کا ریٹ ایک سے دو روپے ہوتا ہے۔

Comments

- Advertisement -