The news is by your side.

Advertisement

امریکا میں دواؤں سے متعلق حیرت انگیز انکشاف

امریکا میں دواؤں کے زائد استعمال سے سفید فام کے مقابلے میں سیاہ فام افراد کی زیادہ اموات کی خبروں نے سنسنی پھیلا دی ہے۔

امریکا میں ہونیوالی حالیہ تحقیق میں انکشاف ہوا ہے کہ دواؤں کے زائد استعمال سے سفید فام کے مقابلے میں سیاہ فام امریکیوں کی اموات زیادہ ہوئی ہے جو 1999 کے بعد پہلی بار زیادہ ہوئی ہے۔

غیر ملکی میڈیا کے مطابق لاس اینجلس میں یونیورسٹی آف کیلیفورنیا کے محققین کے طبی جریدے جے اے ایم اے سائیکاٹری کی حالیہ اشاعت میں اس تحقیق کے اعداد وشمار شائع کیے گئے ہیں جس کے مطابق سیاہ فام افراد میں میں ادویہ کے زائد استعمال کے 15 ہزار 200 کیسز رپورٹ ہوئے اور یہ تعداد 4 برس قبل سے دگنی ہوگئی ہے۔

امریکی اخبار میں اس حوالے سے شائع رپورٹ کے مطابق طاقتور اوپیوڈ فینٹانل کے پھیلاؤ اور عالمی وبا نے منشیات کا استعمال کرنے والے افراد کے لیے خطرات میں اضافہ کردیا ہے جس سے امریکا میں ادویہ کے زائد استعمال سے اموات کے نئے ریکارڈ بن رہے ہیں اور اس سے خاص کر سیاہ فام طبقے کو سخت نقصان ہورہا ہے۔

محققین اور ماہرین صحت کے مطابق سیاہ فام افراد کی اکثریت کو منشیات کے موثر علاج سمیت صحت کی مناسب سہولتیں دستیاب نہیں ہیں جن کے باعث انہیں اس سے زیادہ خطرات لاحق ہوتے ہیں۔

Comments

یہ بھی پڑھیں