The news is by your side.

Advertisement

دنیا کے امیر ترین شخص کا نیا ریکارڈ، ایک دن میں 12 ارب ڈالر کما لیے

عوام نے ایک منٹ میں 83 لاکھ 33 ہزار ڈالر کی خریداری کی

واشنگٹن: دنیا کے امیر ترین شخص اور ایما زون کے مالک جیف بیڑوس کے اثاثوں میں ایک روز میں ہی 12 ارب ڈالر کا اضافہ ہوگیا۔

دنیا بھر میں معاشی اور اقتصادی خبروں پر نظر رکھنے والے ادارے بلوم برگ کے مطابق جمعرات کے 26 اپریل کو معاشی طور پر تاریخی اور اہم دن تصور کیا جائے گا کیونکہ اس روز دنیا کے امیر ترین شخص کی دولت میں ایک جھٹکے کے ساتھ ہی 12 ارب ڈالر کا اضافہ ہوا۔

رپورٹ کے مطابق عوامی خریداری کے لیے مشہور امریکا کے آن لائن شاپنگ اسٹور ایما زون نے جمعرات کے روز نیا ریکارڈ قائم کیا اور خریداروں نے ایک منٹ میں 83 لاکھ 33 ہزار ڈالر کی خریداری کی جبکہ فی سیکنڈ کے حساب سے 1 لاکھ 39 ہزار ڈالر کمپنی کے اکاؤنٹ میں آئے۔

مزید پڑھیں: ایمازون کے مالک دنیا کی امیر ترین شخصیت، ٹرمپ کے اثاثوں میں نمایاں کمی

بلوم برگ کی رپورٹ کے مطابق ایما زون کے 54 سالہ مالک جیف پیڑوس کی مجموعی دولت 1 کھرب 34 ارب ڈالر  تاہم حالیہ خریداری کے بعد اُن کے اثاثوں میں ایک ہی روز میں 6.3 فیصد اضافے کے ساتھ 12 ارب ڈالر کا اضافہ ہوا جس کے بعد کمپنی کے حصص کی قیمت 1614 ڈالر تک پہنچ گئی۔

امریکی میڈیا کے مطابق ایمازون اسٹور سےعوام خریداری میں مسلسل دلچسپی ظاہر کررہے ہیں جس کے باعث گذشتہ چار ماہ کے دوران مالک کے اثاثوں میں 34 ارب ڈالر کا اضافہ ہوا اور صرف جمعرات کے روز اور 10 کروڑ گاہکوں نے 1 کھرب کے آئٹمز کی خریداری کی۔

اقتصادی جریدے نے  رواں ماہ اپریل میں دنیا کے امیر ترین افراد کے اثاثوں کے اعداد و شمار جاری کیے جن کے مطابق جیف پیڑوس کے اثاثوں کی مالیت 1 ارب 34 کھرب ڈالر تھی جن میں صرف ایک ہی روز میں 12 ارب ڈالر کا اضافہ ہوا۔

یہ بھی پڑھیں: ایما زون کے مالک دنیا کے امیر ترین آدمی قرار

بلوم برگ کی رپورٹ میں یہ بھی کہا گیا ہے کہ ایما زون کے مالک ویسے تو دنیا کی امیر ترین شخصیت ہے اُس کے باوجود اُن کے اثاثوں میں ہر ماہ اوسطاً 8 ارب 50 کروڑ ڈالر کا اضافہ ہورہا ہے یعنی وہ ہر روز 20 کروڑ 83 لاکھ ڈالرز حاصل کررہے ہیں۔

دوسری جانب کمپنی کے ترجمان نے ریکارڈ خریداری پر گاہکوں کا شکریہ ادا کرتے ہوئے کہا ہے کہ ہم نے عوامی خواہشات کو مدنظر رکھتے ہوئے اسٹور میں فروخت ہونے والی مصنوعات کی تعداد بڑھا دی، انتظامیہ کوالٹی کے معیار کو اولین ترجیح دیتی ہے تاکہ خریداروں کا اعتماد مزید بحال کیا جاسکے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں