کراچی: شہر قائد میں ایمبولینس کے ذریعے منشیات کی اسمگلنگ کا انکشاف سامنے آیا ، پولیس نے ایمبولینس کے خفیہ خانے میں چھپائی گئی منشیات کی اسمگلنگ ناکام بنا دی۔
تفصیلات کے مطابق کراچی میں موچکو پولیس نے حب ریور روڈ لکی چورنگی کے قریب کارروائی کے دوران بلوچستان سے کراچی منشیات کی اسمگلنگ ناکام بنا کر لاکھوں روپے مالیت کی منشیات برآمد کرلی۔
حکام کا کہنا ہے کہ خفیہ اطلاع پر ایک ایمبولینس کو روکا ، جو بلوچستان اوتھل سے کراچی اسمگل کی جارہی تھی، تلاشی کے دوران 20 پیکٹوں میں چھپائی گئی منشیات برآمد ہوئی ، منشیات ایمبولینس کے خفیہ خانے میں چھپائی گئی تھی۔
پولیس نے بھاری مقدار میں منشیات برآمد کر کے ڈرائیور گرفتار کرکے موچکو پولیس اسٹیشن میں مقدمہ درج کرلیا ہے۔
یاد رہے ایکسائز پولیس نے کارروائی کرتے ہوئے کراچی کے علاقے سرجانی ٹاؤن کے ایک خالی پلاٹ سے بھاری مقدار میں ہیروئن، چرس، آئس برآمد کی تھی۔
