site
stats
پاکستان

ایمبولینس کی ویڈیوبنانے پرلیگی کارکنان کا رپورٹرزپرتشدد

اسلام آباد : مسلم لیگ نون کی ریلی میں کارکنان نے نجی ٹی وی رپورٹرز کو تشدد کا نشانہ بناڈالا، رپورٹرز رش میں پھنسنے والی ایک ایمبولینس کی ویڈیو بنا رہے تھے۔ مشتعل کارکنان نے موبائل فون چھین کر ویڈیو ڈیلیٹ کردی۔ 

تفصیلات کے مطابق سابق وزیراعظم نوازشریف کی ریلی کے دوران فیض آباد کے قریب نجی ٹی وی کے رپورٹرز پر مسلم لیگ نواز کارکنوں نے تشدد کیا۔

نجی ٹی وی کے رپورٹرزریلی میں دو گھنٹےسے پھنسی ہوئی ایک ایمبولینس کی ویڈیو بنارہے تھے، اس موقع پر ایمبولینس کاسائرن بھی آن تھا، ایمبولینس میں موجود مریض کے لواحقین راستہ نہ ملنے پر زارو قطار رو رہے تھے۔

رپورٹرز پر تشدد کے دوران ن لیگی کارکنان نے ان سے موبائل فون چھین کر ویڈیوز ڈیلیٹ کردیں، درجنوں ن لیگی کارکنوں نے نجی ٹی وی کے رپورٹرز کو تھپڑ اور گھونسے بھی مارے۔

یونین آف جرنلسٹ اسلام آباد، اور نیشنل پریس کلب نے اے آر وائی ٹیم اور دیگرٹی وی رپورٹرز پر حملے کی شدید الفاظ میں مذمت کی ہے۔

قائم مقام صدر آئی آر یو جے شکیل انجم نے کہا ہے کہ صحافی اور میڈیا ورکرز اپنی ذمہ داریاں نبھارہے ہیں، صحافیوں کا کسی بھی سیاسی جماعت سے تعلق نہیں ہے، انہوں نے کہا کہ سیاسی جماعت کے قائدین اپنے کارکنان کو باز رکھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top