The news is by your side.

Advertisement

پب جی گیم کی بندش ، وفاقی وزیر انفارمیشن ٹیکنالوجی کا اہم بیان سامنے آگیا

اسلام آباد : وفاقی وزیر سید امین الحق کا کہنا ہے کہ پب جی گیم کی بندش میں وزرات انفارمیشن ٹیکنالوجی کا کوئی کردار نہیں، گیم کُھلنے یا بند رہنے سے متعلق عدالتی فیصلے کا انتظار کرنا چاہیے۔

تفصیلات کے مطابق وفاقی وزیر برائے انفارمیشن ٹیکنالوجی و ٹیلی کمیونی کیشن امین الحق نے آن لائن ویڈیو گیم پب جی کے حوالے سے بیان میں کہا کہ پب جی گیم کی بندش میں وزرات انفارمیشن ٹیکنالوجی کا کوئی کردار نہیں، پی ٹی اےوزرات انفارمیشن ٹیکنالوجی کے ماتحت نہیں۔

امین الحق کا کہنا تھا کہ گیم کی بندش سےنوجوان تفریح اور ذریعہ آمدن سے محروم ہوئے ، گیم کُھلنے یا بند رہنے سے متعلق عدالتی فیصلے کا انتظار کرنا چاہیے۔

یاد رہے پاکستان ٹیلی کمیونیکیشن اتھارٹی (پی ٹی اے) نے ملک بھر میں موبائل پر کھیلے جانے والے گیم پب جی پر عارضی پابندی عائد کردی تھی۔

پی ٹی اے ترجمان کا کہنا تھا کہ گیم پر مکمل پابندی کا حتمی فیصلہ مشاورت کے بعد کیا جائےگا۔

واضح رہے پب جی گیم کھیلنے کی اجازت نہ ملنے پر لاہور میں 2 بچوں نےخودکشی کی تھی جس پر دونوں بچوں کے ورثا نے گیم کی بندش کے حوالے سے لاہور ہائی کورٹ میں درخواست دائر کی تھی

Comments

یہ بھی پڑھیں