The news is by your side.

Advertisement

میر قاسم کی پھانسی کیخلاف جماعت اسلامی کا احتجاج، غائبانہ نمازجنازہ ادا

اسلام آباد : بنگلہ دیش میں جماعت اسلامی کے رہنما میر قاسم کی پھانسی کیخلاف اسلام آباد میں جماعت اسلامی کی جانب سے احتجاج کیا گیا۔

امیر جماعت اسلامی نے میر قاسم کی غائبانہ نماز جنازہ بھی پڑھائی۔ تفصیلات کے مطابق بنگلہ دیش میں جماعت اسلامی کے رہنما میر قاسم کی پھانسی کیخلاف جماعت اسلامی نے احتجاجی مظاہرہ کیا۔

اسلام آباد میں بنگلہ دیش جماعت اسلامی کے رہنما میر قاسم کی غائبانہ نماز جنازہ ادا کی گئی۔ غائبانہ نماز جنازہ امیر جماعت اسلامی سراج الحق نے پڑھائی۔

مزید پڑھیں: بنگلہ دیش: جماعت اسلامی کے ایک اور رہنما میر قاسم علی کو پھانسی دیدی گئی

امیرجماعت اسلامی نےمیر قاسم کی پھانسی کی مذمت کرتے ہوئے کہا کہ نام نہاد ٹریبونل کو انسانی حقوق کی عالمی تنظیموں نے ڈھکوسلہ قراردیا ہے۔

انہوں نےحکومت پر تنقید کرتے ہوئے کہا کہ جن لوگوں نے پاکستان کیلئے جان دی انہیں بھلادیا گیا۔ امیرجماعت اسلامی کا کہنا تھا کہ پاکستان بچانے کی پاداش میں جماعت اسلامی کے رہنماؤں کو بنگلہ دیش میں سزائیں دی جا رہی ہیں۔

 

Print Friendly, PDF & Email

Comments

comments

یہ بھی پڑھیں