The news is by your side.

Advertisement

اپنے دوراقتدارمیں خواتین کوبلاسود قرض دیں گے، سراج الحق

لاہور: امیر جماعت اسلامی سینیٹر سراج الحق نے کہا ہے کہ اقتدار میں آنے کے بعد خواتین کو بلاسود قرض دینے والا بینک قائم کریں گے، ہماری حکومت میں بچوں،بچیوں کیلئے تعلیم مفت ہوگی۔

ان خیالات کا اظہار انہوں نے لاہور میں تقریب سے خطاب کرتے ہوئے کیا، سینیٹر سراج الحق نے کہا کہ ملک میں قوانین تو موجود ہیں مگراس پرعمل درآمد کرنے والی حکومت نہیں ہے۔

ہمارے دور حکومت میں تمام بچوں کو مفت تعلیم فراہم کی جائے گی اور مفت تعلیم پر بھی اگر کوئی اپنے بچوں کونہیں پڑھائے گا تو ایسے والدین کو جیل بھیج دیاجائے گا۔

صحت کی سہولیات کے حوالے سے ان کا کہنا تھا کہ پاکستان میں جب جمہورکی حکومت ہوگی توعلاج معالجہ بھی مفت فراہم کریں گے۔

اس کے علاوہ ہربیوہ کو اس کے بچوں کی کفالت اورتعلیم کیلئے بلا سود قرضہ دئیے جائیں گے، ہر70 سال کے ضعیف شہری کو خصوصی الاؤنس دیا جائے گا۔

امیرجماعت اسلامی نے کہا کہ ملک بھرسےجہیزکی لعنت کا خاتمہ چاہتےہیں،خواتین کوبلاسودقرض دینےوالابینک قائم کریں گے، انہوں نے کہا کہ خواتین پرتشدد کرنے والےمرد سے زیادہ بزدل کوئی نہیں ہے۔

Print Friendly, PDF & Email

Comments

comments

یہ بھی پڑھیں