site
stats
پاکستان

جے آئی ٹی کو دھمکیاں دینے والوں کا مستقبل اڈیالہ جیل ہے، سراج الحق

لاہور : جماعت اسلامی کے امیر سراج الحق نے کہا ہے کہ پانامہ کیس کی جے آئی ٹی کو دھمکیاں دینے والے یاد رکھیں کہ ان کا مستقبل اڈیالہ جیل ہے۔

ان خیالات کا اظہار انہوں نے لاہور میں افطار ڈنر کی تقریب سے خطاب کرتے ہوئے کیا۔ اس موقع پر جماعت اسلامی کے رہنما لیاقت بلوچ اور دیگر بھی موجود تھے۔

امیر جماعت اسلامی سراج الحق کا خطاب میں کہنا تھا کہ حکمرانوں کے چہرے بتا رہے ہیں کہ ان کے معاملات درست نہیں، جےآئی ٹی کی مخالفت کرنے والے اپنی کرپشن پر معافی مانگیں، پنجاب کے صوبائی وزیر جے آئی ٹی کو دباؤ میں لانا چاہتے ہیں۔ جے آئی ٹی پر دباؤ ڈال کر اپنی مرضی کا فیصلہ لینے کی کوئی حکومتی کوشش کامیاب نہیں ہوگی۔

انہوں نے کہا کہ جے آئی ٹی کو دھمکیوں سے ثابت ہوگیا ہے کہ حکمران مرضی کا فیصلہ چاہتے ہیں ، قوم امید کرتی ہے کہ سپریم کورٹ ان دھمکیوں کا سختی سے نوٹس لے گی اور جے آئی ٹی ممبران کو ڈرانے دھمکانے والوں کو کٹہرے میں کھڑا کرے گی۔

تقریب سے خطاب کرتے ہوئے لیاقت بلوچ نے کہا کہ جے آئی ٹی کے خلاف صرف ایک خاندان نہیں پورے ملک کے بدعنوان اکھٹے ہو گئے ہیں۔

انہوں نے کہا کہ اگر اعلیٰ عدلیہ نے پارلیمنٹ پر صادق و امین ہونے کا اطلاق کیا تو ایوان سراج الحق کے سوا کوئی نہیں بچے گا، کیونکہ صادق وامین کی شرط پر صرف سراج الحق پورے اترتے ہیں، ملک و قوم کو کرپٹ قیادت سے نجات صرف جماعت اسلامی دلاسکتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top