The news is by your side.

Advertisement

پانامہ لیکس میں شامل افراد اپنے عہدوں سے مستعفی ہوجائیں، سراج الحق

کراچی : جماعت اسلامی پاکستان کے امیر سراج الحق نے کہا ہے کہ جن افراد کے نام پاناما لیکس کی فہرست میں ہیں وہ اخلاقی طور پر اپنے عہدوں سے مستعفی ہوجائیں، جماعت اسلامی واحد جماعت ہے جس پرکرپشن کا کوئی داغ نہیں۔

ان خیالات کا اظہارانہوں نے کراچی میں جماعت اسلامی کے زیر اہتمام کرپشن فری ریلی کے شرکاء سے خطاب کرتے ہوئے کیا۔ کرپشن فری ریلی میں کارکنوں کی بڑی تعداد میں شرکت کی۔

اپنے خطاب میں سراج الحق کا کہنا تھا کہ ہم اپنی آئندہ نسلوں کو کرپشن فری پاکستان دینا چاہتے ہیں۔ حکمرانوں نے اپنی عیاشی کیلئے اربوں روپے کے نئے قرضے لئے۔ ان لوگوں کے اکاؤنٹ دبئی، پانامہ سمیت پوری دنیا میں ہیں۔

سراج الحق نے کہا کہ ان لوگوں سے ایک ایک پائی واپس لینا ہوگی ورنہ پاکستان ترقی نہیں کر سکے گا۔ پاکستان کی ترقی ان لٹیروں کے احتساب سے ہی ممکن ہے۔پاکستان کو کرپشن فری بنا کر ہی دم لیں گے۔

امیر جماعت اسلامی کا کہناتھا کہ پاناما لیکس کے سلسلے میں تحقیقات سب سے پہلے وزیراعظم نواز شریف کے خاندان سے شروع کی جائیں۔ جو کوئی بھی کرپشن میں ملوث ہے اس کو قرار واقعی سزا دی جائے۔

اس موقع پرامیر جماعت اسلامی نے پچیس مئی سے کرپشن کے خلاف ٹرین مارچ کا بھی اعلان کیا۔ امیر جماعت اسلامی نے ریلی میں ننھے ننھے بچوں کو گود میں بھی لیا ۔

ان کا کہنا تھا کہ ملک کے بچوں کے بہترین مستقبل کے راستے میں کرپشن اورکرپٹ مافیا رکاوٹ ہے۔

 

Comments

comments

یہ بھی پڑھیں