The news is by your side.

Advertisement

چین اور امریکہ کے درمیان ٹیلیفونک رابطہ

بیجنگ : چین کے وزیر خارجہ وانگ یی اور امریکی وزیر خارجہ کے درمیان ٹیلی فونک رابطہ ہوا ہے باہمی معاملات پر تبادلہ خیال کیا گیا۔

غیر ملکی خبر رساں ادارے کے مطابق چین کے وزیر خارجہ وانگ یی نے امریکی وزیر خارجہ جان کیری کو ٹیلی فون کر کے اہم امور پر بات چیت کی اور تبت کے حوالے سے چینی حکومت کی تشویش کو امریکی حکومت تک پہنچانے کی درخواست بھی کی۔

ذرائع کے مطابق اس دوران چینی وزیرخارجہ وانگ یی نے امریکی وزیر خارجہ جان کیری پر اس بات پر زور دیا کہ امریکا کو تبت سے متعلق چین کے اندرونی معاملات میں مداخلت نہیں کرنی چاہئیے،امریکہ اس معاملے سے خود کو علیحدہ رکھے تو خطہ میں قیامَ امن کے لیے سود مند ہو گا۔

China

امریکی وزیرِ خارجہ جان کیری نے جواب چینی ہم منصب سے کہا کہ تبت سے متعلق امریکی پالیسی میں کوئی تبدیلی نہیں آئی ہے،امریکہ تبت کو چین کا حصہ سمجھتا ہے اور تبت کی آزادی کی حمایت نہیں کرتے۔

یاد رہے چین و امریکہ کے وزرائے خارجہ کے درمیان ٹیلیفونک رابطے کا فیصلہ صدراوباماکی تبت کے جلاوطن رہنمادلائی لامہ سے ملاقات کے بعد کیا گیا ہے،جس کے بعد چین کے سرکاری حلقوں میں تشویش کی لہر دوڑ گئی تھی جس سے بعد ازاں وزیرخارجہ جان کیری سے گفتگو کے دوران امریکہ کو آگاہ کردیا گیا ہے۔

Print Friendly, PDF & Email

Comments

comments

یہ بھی پڑھیں