The news is by your side.

Advertisement

کورونا کے بعد نئی آفت : امریکہ میں خطرناک طوفان، 6 افراد ہلاک

واشنگٹن : کورونا وائرس کی تباہ کاریوں کے بعد امریکیوں کو اب ایک نئی آفت سامنا ہے، ریاست میسی سیپی میں سائیکلون آنے سے کم سے کم چھ افراد جان سے چلے گئے، کئی علاقوں کی بجلی منقطع ہوگئی۔

تفصیلات کے مطابق کرونا وائرس سے دنیا میں سب سے زیادہ ہلاکتوں کا سامنا کرنے والے امریکہ میں اب سائیکلون کا بھی قہر جاری ہے، امریکی میڈیا رپورٹس میں کہا گیا ہے کہ امریکہ کے میسی سیپی ریاست میں سائیکلون آنے سے کم سے کم چھ افراد ہلاک ہوگئے۔
مقامی میڈیا کا کہنا ہے کہ یہ سائیکلون تباہ کن نقصانات کی وجہ بنا جس کی وجہ سے قومی محکمہ موسمیات (این ڈبلیو ایس) کو سائیکلون ایمرجنسی جاری کرنا پڑی۔ یہ سائیکلوں کے لئے اعلی سطح کی وارننگ ہوتی ہے۔ ایجنسی نے ٹوئٹ کیا کہ دیگر تفصیلات آنے پر اپڈیٹ جاری کیے جاتے رہیں گے۔‘‘
اس حوالے سے ریاست کی ایمرجنسی منیجمنٹ ایجنسی نے اپنی ابتدائی اطلاع میں بتایا کہ اتوار کو سائیکلوں کی زد میں آنے سے جیفرسن ڈیوس کاؤنٹی میں تین، لارینس کاؤنٹی میں دو اوروالٹ ہال کاؤنٹی میں ایک شخص کی موت ہوگئی۔ یہ سبھی علاقے ریاست کے جنوبی حصے میں واقع ہیں۔
علاوہ ازیں میسی سیپی کے گورنر ٹیٹ ریوس نے ریاست کے لوگوں سے ان سنگین سائیکلون کو بہت سنجیدگی سے لینے کی اپیل کی ہے۔
رپورٹس کے مطابق ٹیکساس اور لوسیانہ سمیت جنوبی ریاستوں میں بھی سائیکلون کی تباہی دیکھنے کو ملی جہاں کئی عمارتیں تباہ ہوگئیں۔ پیر کی رپورٹ کے مطابق سائیکلون کی وجہ سے میسی سیپی اور لوسیانہ میں ساٹھ ہزار لوگوں کو بغیر بجلی کے رہنا پڑا ہے۔

Comments

یہ بھی پڑھیں