واشنگٹن : امریکا نے بھارت میں میڈیا اور اظہار رائے کی آزادی پر حملوں کی مذمت سے گریز کیا اور کہا جمہوریت کی مضبوطی کیلئے اظہار رائے، مذہبی آزادی اور انسانی حقوق اہم ہیں۔
تفصیلات کے مطابق امریکی محکمہ خارجہ کے ترجمان نیڈ پرائس نے میڈیا بریفنگ کے دوران مودی پر بی بی سی کی دستاویزی فلم پر بھارتی پابندی سے متعلق سوال پر جواب دینے سے گریز کیا۔
صحافی نے سوال کیا کیا امریکا بھارتی حکومت کی پابندی کو میڈیا، اظہار رائے کی آزادی کا مسئلہ سمجھتا ہے؟ جس پر نیڈ پرائس کا کہنا تھا کہ ہم آزاد صحافت کی حمایت کرتے ہیں، جمہوریت کی مضبوطی کیلئے اظہار رائے، مذہبی آزادی اور انسانی حقوق اہم ہیں۔
ترجمان نے کہا کہ بھارت سمیت دنیا بھر کے ممالک سے آزادی اظہار پر گفتگو ہوتی ہے، بھارت کے ساتھ بھی انسانی حقوق اور آزادی اظہار پر ہمارا یہی موقف ہے۔
