The news is by your side.

Advertisement

شمالی کوریا کی حکومت سے براہ راست رابطے میں ہیں:ترجمان امریکی محکمہ خارجہ

واشنگٹن: ترجمان امریکی محکمہ خارجہ ہیدر نوئرٹ نے کہا ہے کہ شمالی کوریا کی حکومت سے براہ راست رابطے میں ہیں، چین نے شمالی کوریا اور امریکا کو ملانے کے لیے اہم کردار ادا کیا۔

ان خیالات کا اظہار انہوں نے واشنگٹن میں پریس بریفنگ دیتے ہوئے کیا، ہیدر نوئرٹ کا کہنا تھا کہ شمالی کوریا کے معاملے پر چین کی جانب سے مزید تعاون کے خواہاں ہیں، چینی صدر شی جن پنگ نے امریکی صدر ڈونلڈ ٹرمپ اور کم جونگ ان کی ملاقات میں اہم کردار ادا کیا۔

ترجمان امریکی محکمہ خارجہ کا کہنا تھا کہ چین سے تجارتی اور سفارتی تعلقات میں فرق ہے، صدر ٹرمپ انصاف اور مشترکہ مفادات پر مبنی تجارت چاہتے ہیں، جبکہ دوسری جانب کم جونگ اُن کے دورہ چین کا بھی بغور جائزہ لے رہے ہیں۔


شمالی کوریا معاملہ، امریکا اور جنوبی کوریا کی مشترکہ فوجی مشقیں معطل


غیر ملکی خبر رساں اداے کے مطابق شمالی کوریا کے سربراہ کم جونگ ان دو روزہ سرکاری دورے پر چین میں موجود ہیں جہاں وہ چینی صدر شی جن پنگ سے ملاقات کریں گے اس دوران وہ امریکی صدر سے سنگا پور میں ہونے والی ملاقات پر تبادلہ خیال کریں گے۔


ڈونلڈ ٹرمپ نے محکمہ دفاع اور پینٹاگون کو خلائی فوج بنانے کا حکم دے دیا


دوسری جانب شمالی کوریا کے تحفظات کو مدنظر رکھتے ہوئے امریکا اور جنوبی کوریا نے اپنی مشترکہ فوجی مشقیں ختم کرنے کا اعلان کردیا ہے جس کا مقصد شمالی کوریا کو جوہری ہتھیاروں کے خاتمے سے متعلق وعدوں پر کاربند رکھنا ہے، ماہرین کے مطابق یہ اقدام دونوں ملکوں کے لیے موثر ثابت ہوگا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں