واشنگٹن: امریکی حکومت نے مشرق وسطیٰ میں دہشت گردی کی کارروائیوں میں ملوث ایران نواز گروپوں کے ساتھ رابطوں پر تشویش کا اظہار کرتے ہوئے کہا ہے کہ دوحہ ایران نواز گروپوں کی مدد بند کرے۔
غیر ملکی خبر رساں ادارے کے مطابق امریکی حکام کا کہنا ہے کہ یہ امر حیران کن ہے کہ جن گروپوں کو واشنگٹن نے دہشت گردوں کی فہرست میں شامل رکھا ہے قطر ان کی مدد کررہا ہے۔
حال ہی میں جب امریکا نے ایران کے ساتھ جوہرے معاہدے سے علیحدگی اختیار کی تھی تو ساتھ ہی واشنگٹن نے قطر پر بھی زور دیا تھا کہ وہ ایرانی پروردہ گروپوں سے اپنے تعلقات ختم کرے۔
امریکی حکومت کی طرف سے قطر سے مطالبہ اس وقت سامنے آیا جب یہ خبریں منظر عام پر آئیں کہ قطری حکومت اور ایران نواز گروپوں کے درمیان ای میل کے ذریعے روابط موجود ہیں۔
مزید پڑھیں: امریکی حکومت نے ایران پر پابندیوں کا آغاز کردیا
ای میل اسکینڈل میں انکشاف کیا گیا ہے کہ قطری حکومت کے عہدیداروں کی ایک بڑی تعداد کے ایران نواز گروپوں کے سینئر عہدیداران کے ساتھ گہرے اور دوستانہ مراسم ہیں۔
ایک ای میل میں انکشاف کیا گیا ہے کہ قطر نے ایران ملیشیا گروپ کو بھاری رقوم ادا کی ہیں، امریکی حکام کا کہنا ہے اس طرح کا اقدام کسی طور پر قابل قبول نہیں ہوگا۔