The news is by your side.

Advertisement

امریکہ : ماسک نہ پہننے پر مسافر کو جہاز سے اتار دیا گیا

واشنگٹن : امریکہ میں جہاز کے مسافر کو اس لیے جہاز سے اتار دیا گیا کیونکہ اس نے ماسک پہننے سے انکار کردیا تھا، یہ امریکی تاریخ کا پہلاواقعہ ہے۔

تفصیلات کے مطابق کورونا وائرس کی وجہ سے ہماری دنیا بدل چکی اور اب نئے ایس او پیز ہماری زندگیوں کا حصہ بننے لگے ہیں جن سے انکار کسی بڑی مصیبت کا باعث بن سکتا ہے۔

ایساہی ایک تاریخ ساز واقعہ امریکہ میں پیش آیا ہے جہاں ایک مسافر کو اس لیے جہاز سے اتار دیا گیا کیونکہ اس نے ماس پہننے سے انکار کردیا تھا۔

اس حوالے سے امریکی خبر رساں ادارے نے سماجی رابطے کی ویب سائٹ ٹوئٹر پر خبر میں بتایا کہ ایک امریکی ایئرلائنز سے اس وقت ایک مسافر کو اس وقت جہاز سے نیچے اتار دیا گیا جب اس نے کورونا وائرس سے متعلق ضابطہ اخلاق کی خلاف ورزی کرتے ہوئے فیس ماسک پہننے سے انکار کر دیا۔ خیال کیا جاتا ہے کہ یہ امریکہ میں اپنی نوعیت کا پہلا واقعہ ہے۔

برینڈن اسٹار جو نیویارک سے ڈیلس ایئرپورٹ کے لیے پرواز میں سوار تھے انہیں ماسک نہ پہننے کی وجہ سے نیچے اترنے کا کہا گیا۔ خیال رہے امریکی فضائی کمپنیوں نے گزشتہ ہفتے سے ماسک سے متعلق پالیسی کو مزید سخت کردیا ہے۔

قدامت پرست سماجی کارکن نے جو ٹوئٹر پر خاصے مقبول ہیں، اس واقعے کی ویڈیو بنائی، جس میں انھوں نے اس واقعے کو حکام کے پاگل پن سے تعبیر کیا ہے۔

دنیا بھر میں اب تک 84 لاکھ سے زائد افراد کورونا سے متاثر ہو چکے ہیں جبکہ ہلاکتوں کی تعداد چار لاکھ 53 ہزار سے تجاوز کر چکی ہے۔

دنیا کا سب سے زیادہ متاثرہ ملک امریکہ ہے جہاں متاثرین کی تعداد 22 لاکھ کے لگ بھگ ہے جبکہ ایک لاکھ 18 ہزار سے زائد ہلاکتیں ہوچکی ہیں۔

Comments

یہ بھی پڑھیں