امریکی سفیر ڈیوڈ ہیل کی وزیر اعظم عمران خان سے الوداعی ملاقات - امریکی سفیر ڈیوڈ ہیل
The news is by your side.

Advertisement

امریکی سفیر ڈیوڈ ہیل کی وزیر اعظم عمران خان سے الوداعی ملاقات

اسلام آباد : پاکستان میں تعینات امریکی سفیر ڈیوڈہیل نے وزیر اعظم عمران خان سے الوداعی ملاقات کی ہے، وزیرخارجہ شاہ محمود قریشی بھی موجود تھے۔

تفصیلات کے مطابق وزیراعظم عمران خان سے پاکستان میں تعینات امریکی سفیر ڈیوڈ ہیل نے وزیراعظم آفس میں عمران خان سے الوداعی ملاقات کی، ملاقات میں دوطرفہ تعلقات کے حوالے سے تبادلہ خیال کیا گیا۔

اس موقع پر وزیر خارجہ شاہ محمود قریشی بھی موجود تھے۔ عمران خان اور وزیرخارجہ شاہ محمود قریشی نے ڈیوڈہیل کی بطور سفیرخدمات کو سراہا، امریکی سفیر نے بھی اپنی تعیناتی اور پاکستانیوں کی مہمان نوازی کی تعریف کی، ان کا کہنا تھا کہ پاکستان میں گزرے ہوئے وقت اور لوگوں کے اچھے مراسم کو یاد رکھیں گے۔

ڈیوڈہیل کا مزید کہنا تھا کہ امریکا نئی حکومت کے ریفارمز ایجنڈے میں دلچسپی رکھتی ہے، امریکا پاکستان کے ساتھ مستحکم تعلقات چاہتا ہے، پومپیو کے دورہ پاکستان کا مقصد ہی مستحکم تعلقات کا فروغ ہے۔

امریکی سفیر نے شاہ محمودقریشی اور دفتر خارجہ کا شکریہ بھی ادا کیا، اس موقع پر وزیر خارجہ شاہ محمود قریشی نے کہا کہ امریکا کے ساتھ ہمارا تعلق ایمانداری اورخلوص نیت سے ہوگا۔

امریکا سے فائدہ مند اور مستحکم پارٹنر شپ چاہتے ہیں،یاد رہے کہ امریکی ڈیوڈ ہیل نے گزشتہ تین سال قبل 2015میں بطور سفیر اپنی ذمہ داریاں سنبھالی تھیں۔

Comments

comments

یہ بھی پڑھیں