واشنگٹن: امریکا نے ایران کے سفرکیلئے اپنے شہریوں کو متنبہ کردیا، امریکی محکمہ خارجہ کا کہناہے کہ امریکی اورایرانی نژادامریکیوں کوایران میں گرفتار اورحراست میں لیےجانے کاخطرہ ہے۔
امریکی محکمہ خارجہ کی جانب سے جاری کردہ ٹریول وارننگ میں امریکی شہریوں،خصوصی طور پرایرانی امریکیوں کو ایران کےسفرکے خطرات کےبارےمیں متنبہ کیاگیاہے۔سفری انتباہ میں کہاگیاہے کہ ایران میں مختلف عناصرامریکاکےخلاف مخاصمانہ جذبات رکھتے ہیں۔
ایرانی حکام کی جانب سےامریکی شہریوں کو ہراساں،گرفتار اورحراست میں لینےکاعمل جاری ہے، امریکی محکمہ خارجہ نےایران میں موجود امریکی شہریوں پر زور دیا ہے کہ وہ اِس بات کو یقینی بنائیں کہ ہمیشہ اُن کی دستاویزات تازہ ترین ہوں اور ہنگامی صورت حال سے نبرد آزما ہونے کیلئے ہمہ وقت تیاررہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں