آج میلبرن میں ٹی ٹوئنٹی ورلڈ کپ کا فائنل پاکستان اور انگلینڈ کے مابین کھیلا جا رہا ہے، پاکستان میں متعین غیر ملکی سفرا بھی گرین شرٹس کی فتح کے خواہشمند ہیں۔
امریکی سفیر ڈونلڈ بلوم بھی فائنل میں انگلینڈ کے خلاف پاکستان کی جیت اور قومی کپتان بابر اعظم کو ٹرافی اٹھائے دیکھنے کے خواہشمند ہیں۔
ڈونلڈ بلوم نے اپنے ایک ٹوئٹ میں پاکستان ٹیم کے لیے نیک خواہشات کا اظہار کیا ہے اس کے ساتھ ہی انہوں نے گرین شرٹ بھی نکال لی ہے جو وہ میچ سے قبل پہنیں گے۔
"I’m excited to watch the #T20WorldCupFinal ! Best of luck to @TheRealPCB and @babarazam258 #BabarAzam We are counting on you, bring it home! ” –DB #AmbBlome #PakistanZindabad pic.twitter.com/rzkD8j1Hq6
— U.S. Embassy Islamabad (@usembislamabad) November 13, 2022
امریکی سفیر نے ٹویٹ می لکھا ہے کہ امید ہے کہ بابر اعظم کامیاب لوٹیں گے اور ٹرافی گھر لے کر آئیں گے۔
برطانوی ہائی کمشنر کرسچن ٹرنر نے اپنے ٹوئٹ میں کہا کہ 30 سال بعد پاکستان اور انگلینڈ کا فائنل ہو رہا ہے، جس کے لیے پرجوش ہوں اور دونوں ٹیموں سے اچھے کھیل کی امید ہے۔
ٹرنر نے مزید کہا کہ تاریخ کو دہرانے کیلیے 30 سال کا انتظارکرنا پڑا، میرا دل انگلینڈ کے ساتھ ہے لیکن پاکستان فائنل جیتا تو دل دل پاکستان گاؤں گا۔
برطانوی ہائی کشمنر نے یہ بھی کہا کہ انگلینڈ کی بیٹنگ اور پاکستان کی بولنگ دنیا بھر میں لاجواب ہے، جیسے دونوں ممالک کی دوستی بے مثال ہے۔
30 Saal baad Cricket ki 2 behtreen teams ka final. Very excited! I am Dil Dil but if Pakistan do what they did in 1992, then I might have to sing Dil Dil . Acha khelna!#EkSaathForCricket #ENGvsPAK #T20WorldCupFinal pic.twitter.com/LEGlItQ5X2
— Christian Turner (@CTurnerFCDO) November 13, 2022
پاکستان میں نیدر لینڈ کی سفیر واؤٹر پلمپ بھی پاکستانی ٹیم کی جیت کے لیے پرامید ہے اور اپنا ایک ویڈیو ٹوئٹر پیغام شیئر کیا ہے جس میں وہ گرین شرٹس پہنے کرکٹ کھیلتے دکھائی دیتی ہیں ساتھ ہی اپنے پیغام میں کہا کہ ٹوئٹر پیغام میں کہا ہے کہ خوشی ہے کہ نیڈر لینڈ کی ٹیم نے پاکستان کو فائنل میں پہنچنے کیلیے مدد کی۔
انہوں نے کہا کہ پاکستان ٹیم کیلیے نیک خواہشات کا اظہار کرتی ہوں، آج پاکستان اور انگلینڈ کے درمیان فائنل کیلیے پُرجوش ہوں، دونوں ٹیموں کےدرمیان میچ ضرور دیکھوں گی۔
Just like every Pakistani, Ambassador Henny de Vries is also very excited for the #T20WorldCupFinal today. She wishes all the best to #TeamPakistan!
Apart from excellent performance by #GreenShirts also helped reach the final! So #BringItHome pic.twitter.com/syhd41svnM
— NLinPakistan (@NLinPakistan) November 13, 2022
جرمن قونصل جنرل ڈاکٹر روڈیگرلوٹنز بھی پاکستانی ٹیم کے مداح نکلے اور گرین شرٹس پہنچ کر پاکستانی ٹیم کو سپورٹ کرنے کا اعلان کردیا۔
اپنے پیغام میں انہوں نے کہا کہ فٹبال، والی بال کے ساتھ اب کرکٹ میچ بھی اہم ہے۔
