ابوجا: نائیجریا میں مسلح افراد نے امریکی شہری کو اغوا کرلیا ہے،امریکی وزارت خارجہ نےشہری کےاغواکی تصدیق کردی ہے۔
بین الاقوامی میڈیا رپورٹ کے مطابق امریکی شہری فلپ والٹن کو چھ مسلح افراد نے نائیجریا کے دیہی علاقے نیامے سے اغوا کیا، اغوا کار موٹر سائیکلز پر سوار اور جدید اسلحے سے لیس تھے۔
مقامی پولیس ذرائع کا کہنا ہے کہ ستائیس سالہ فلپ والٹن کو نائیجریا کے سرحدی علاقے سے اس وقت اغوا کیا گیا جب وہ پولٹری اور زرعی فارم کی دیکھ بھال کررہے تھے، واقعے کے وقت ان کی بیوی، بیٹی اور بھائی اپنے گھر میں موجود تھے۔
یہ بھی پڑھیں: نائیجریا: دوسال قبل اغوا کی گئی 276 لڑکیوںکی ویڈیو جاری
دوسری جانب امریکی محکمہ خارجہ نے نائیجریا میں اپنے شہری کے اغوا ہونے کی تصدیق کی ہے ، تاہم حکام کی جانب سے واقعے کی مزید تفصیلات بیان نہیں کی گئی۔
