The news is by your side.

Advertisement

ٹریفک حادثے کے ذمہ دار امریکی سفارتکار کا ڈرائیونگ لائسنس منسوخ

اسلام آباد : وفاقی حکومت نے امریکی سفارتکار کرنل جوزف کا نام واچ لسٹ میں ڈالنے کے بعد اس کا ڈرائیونگ لائسنس منسوخ کردیا ہے، قاتل اب سفارتخانے کی پناہ میں ہے۔

تفصیلات کے مطابق امریکی سفارت کار کی گاڑی کی ٹکر سے نوجوان کے جاں بحق ہونے کے واقعہ کے بعد وفاقی حکومت نے امریکی سفارتکار کرنل جوزف کا نام واچ لسٹ میں ڈال کر اس کا ڈرائیونگ لائسنس بھی منسوخ کردیا ہے۔

واقعے کے حوالے سے پولیس کے ساتھ تعاون نہ کرنے پر وفاقی پولیس نے وزارت داخلہ کو خط لکھ کر سفارش کی تھی کہ کرنل جوزف کا نام واچ لسٹ میں شامل کیا جائے۔

ذرائع کے مطابق وزارت خارجہ نے کرنل جوزف کی سفارتی حیثیت کے حوالے سے بھی وفاقی پولیس کو تحریری طور پر آگاہ کر دیا ہے۔

مزید پڑھیں : نشے میں دھت امریکی سفارتکار نے نوجوان کو کچل ڈالا،مقدمہ درج

واضح رہے کہ گزشتہ ہفتے کو تیز رفتار گاڑی میں سوار نشے میں دھت امریکی ملٹری اتاشی نے سگنل توڑ کر موٹرسائیکل سوار دو نوجوانوں کو ٹکرمار دی تھی۔ حادثے میں ایف اے کا طالبعلم عتیق نامی نوجوان موقع پر دم توڑ گیا جبکہ عتیق کا کزن شدید زخمی ہوا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں