واشنگٹن : امریکن فٹبال ٹیم نے کرونا ویکسین نہ لگوانے پر سب سے زیادہ تنخواہ لینے والے کوچ نک رول وچ کو نوکری سے برطرف کردیا۔
غیر ملکی میڈیا کے مطابق امریکی ریاست کی واشنگٹن اسٹیٹ یونیورسٹی کی جانب سے فٹبال ٹیم کے کوچ اور ان کے چار معاونین کو ملازمت سے نکالا گیا ہے کیوں کہ انہوں نے ویکسین لگوانے سے انکار کردیا تھا۔
رپورٹ کے مطابق 42 سالہ نک روک وچ نے مذہبی معاملات کو بنیاد بناتے ہوئے ویکسین لگوانے سے استثنیٰ کی درخواست دی تھی جسے ڈائریکٹر نے مسترد کرتے ہوئے انہیں اور ان کے چار ساتھیوں کو نوکری سے برطرف کردیا۔
غیر ملکی میڈیا کا کہنا ہے کہ رول وچ کی سالانہ تنخواہ 30 لاکھ ڈالر تھی۔
واضح رہے کہ واشنگٹن کے گورنر نے اعلان کیا تھا کہ 25 اکتوبر تک تمام سرکاری ملازمین کو نوکری پر طرقرار رہنے کےلیے ویکسین کو دو خوراکیں لگوانا لازمی ہے۔