The news is by your side.

Advertisement

کابل:افغان صوبے ہلمندمیں طالبان کاحملہ،امریکی صحافی ہلاک

کابل :افغانستان کے صوبے ہلمندمیں طالبان کے راکٹ حملےمیں امریکی صحافی ڈیوڈ گِل ہلاک ہوگئے،جبکے ان کے دیگر ساتھی محفوظ رہے.

تفصیلات کے مطابق امریکی ذرائع ابلاغ کاکہناہےکہ نیشنل پبلک ریڈیوسےوابستہ فوٹوجرنلسٹ ڈیوڈ گِل افغان آرمی کےقافلے کےساتھ سفر کےدوران طالبان حملے میں ہلاک ہوگئے.

راکٹ حملے میں انکے افغان مترجم ذبیح اللہ تمنا بھی جان کی بازی ہارگئے،تاہم ان کے دیگر ساتھی دوسری گاڑی میں موجود ہونے کے باعث محفوظ رہے.

یاد رہے اس سے قبل گذشتہ ماہ امریکی محکمہ خارجہ کے نائب ترجمان مارک ٹونر کا کہنا تھاکہ طالبان کےنئےامیر ملا ہیبت اللہ اخوند زادہ کانام عالمی دہشت گردوں کی فہرست میں شامل نہیں،امیدہے وہ مفاہمتی عمل کا فائدہ اٹھائیں گے.

امریکی محمکہ خارجہ کے نائب کا مزید کہنا تھا کہ امید ہے کہ ملا ہیبت اللہ اخوند زادہ مفاہمتی عمل کا راستہ منتخب کریں گے.

واضح رہے کہ گذشتہ دنوں افغان طالبان کےسربراہ ملا ہیبت اللہ اخوندزادہ نے افغان طالبان کو ہدایت دی تھی کہ وہ اپنے حملوں میں مزید تیزی لائے، ان کا کہنا تھا کہ طالبان کےساتھ مذاکرات کے نام پر دھوکا کیاگیا.

افغان طالبان کے سربراہ کا کہنا تھا کہ اتحادی افواج کی افغانستان میں موجودگی تک کسی قسم کے کوئی مذاکرات نہیں کیے جائیں گے.

واضح رہے کہ گذشتہ ماہ صوبہ ہلمند میں افغان طالبان سے لڑائی کےدوران 57 پولیس اہلکار ہلاک جبکہ درجنوں زخمی ہوگئے تھے.

Print Friendly, PDF & Email

Comments

comments

یہ بھی پڑھیں