امریکا والو ، یہ کیا کردیا، کس کو صدر چُن لیا ؟ -
The news is by your side.

Advertisement

امریکا والو ، یہ کیا کردیا، کس کو صدر چُن لیا ؟

واشنگٹن : شدت پسندی کے خلاف دنیا بھر میں کاروائیاں کرنے والے امریکا نے شدت پسند شخص کو ہی صدر چن لیا، ٹرمپ کے صدر بننے کے بعد ہر شخص یہی کہہ رہا ہے امریکا والو، یہ کیا کردیا، کس کو صدر چُن لیا ؟

انیس ماہ کی انتخابی مہم کے دوران ٹرمپ سے متعلق ایسے راز کھلے، جس نے انھیں متنازعہ بنا دیا ہے، نسل پرست گورے کے نام سے مشہور ٹرمپ کو امریکہ نے پسند کیا اور صدر بنا دیا؟ ہر زبان پر یہی سوال ہے کہ امریکا نے یہ کس کو صدر چُن لیا ؟

ٹرمپ کو ذہنی مریض کہا گیا تو کیا ایک ذہنی مریض سپرپاور پر حکمرانی کرے گا؟ لوگوں کو دھمکانے کا شوق؟خواتین کو ہراساں کرنے کے الزامات جبکہ کچھ ری پبلکن رہنما بھی ناراض تھے پھر بھی امریکیوں نے ٹرمپ کو صدر چُنا۔

خود لڑنے اور مخالف کو گنجا تک کردینے والے ٹرمپ کو امریکا نے صدر چن لیا، اتنی تنازعات کے ساتھ ٹرمپ چار سال وہائٹ ہاؤس پر راج کریں گے، مدت آٹھ سال ہوگئی تو امریکا والو مسئلہ ہوگا۔

سمجھ نہیں آتا ٹرمپ کو ووٹ کس نے دیا، مظاہرین

دوسری جانب امریکی عوام نے ٹرمپ کو صدر ماننے سے انکار کردیا، ٹرمپ کیخلاف امریکہ کی مختلف ریاستوں میں احتجاج کا سلسلہ جاری ہے۔

مظاہرین کا کہنا ہے کہ سمجھ نہیں آتا ٹرمپ کو ووٹ کس نے دیا، غصے سے بھرے امریکیوں نے کہیں ڈونلد ٹرمپ کا پتلا جلایا تو کہیں امریکی جھنڈا نذر آتش کیا۔

امریکی انتخابات میں ڈونلڈ ٹرمپ کی کامیابی کے بعد امریکی شہریوں کی بڑی تعداد نے کینیڈا منتقل ہونے کیلیے آن لائن درخواستیں دینا شروع کردی ہیں، جس کے سبب کینیڈین امیگریشن کی ویب سائٹ کریش کر گئی۔


مزید پڑھیں : بلا تفریق رنگ و نسل‘مذ ہب تمام امریکیوں کی خدمت کروں گا: نومنتخب صدر ٹرمپ


یاد رہے کہ صدر منتخب ہونے کے بعد ڈونلڈ ٹرمپ نے خطاب میں کہا تھا کہ میں تمام امریکیوں کا صدر ہوں، عوام کی حمایت اور رائے سے بلارنگ ونسل اورمذہب امریکی عوام کی خدمت کریں گے، دنیا کو بتانا چاہتا ہوں امریکا کا مفاد پہلی ترجیح ہوگی، دنیا کے تمام ممالک سے اچھے تعلقات رکھنا چاہتے ہیں، ہمارے پاس بہترین معاشی پلان موجود ہے۔

Comments

comments

یہ بھی پڑھیں